આત્મહત્યાને રોકવાની વૈજ્ઞાનિક સમજણ

જો કોઈ તમારું નાક દબાવી રાખે, તો એવી પરિસ્થિતિમાં તમે શું કરશો? તમે શ્વાસ લેવાનો પ્રયત્ન છોડતા નથી, ભલે તમારે એના માટે ખૂબ જ મહેનત કરવી પડે, તો પણ તમે કોઈ ને કોઈ ઉપાય તો ખોળી જ કાઢશો. એવી જ રીતે, જ્યારે તમે કંઈક દુ:ખનો અનુભવ કરો છો, ત્યારે તે દુઃખમાં ચૂપ રહીને કે એને છૂપું રાખીને તમારે હિંમત ના હારવી જોઈએ. આ આવી પડેલી પરિસ્થિતિમાંથી બહાર કેવી રીતે નીકળવું, એના માટે પ્રયત્નો કરવા અને સુખ ક્યાંથી મળશે, એ માર્ગ ખોળવાનો પ્રયત્ન કરવો જોઈએ.

જીવનમાં ઉતાર-ચઢાવ આવ્યા જ કરે છે. સુખ પછી દુઃખ, દુઃખ પછી સુખ, એ આવ્યા જ કરશે. જ્યારે તમે કોઈ વસ્તુ કે વ્યક્તિને વધારે પડતું જ મહત્ત્વ આપો છો, ત્યારે તમારું જીવન ફક્ત તેને પ્રાપ્ત કરવા પાછળ જ વિતી જાય છે. જો તમે તેને પ્રાપ્ત કરવામાં અસમર્થ રહો છો, તો ત્યારે તમને એ વાતનું અંદરથી ખૂબ જ દુઃખ રહ્યા કરે છે, જેના પરિણામે, તમે તમારા આ કિંમતી જીવનનું મૂલ્ય જ ભૂલી જાઓ છો. વાસ્તવમાં, જીવનમાં જે કંઈ પણ મુશ્કેલીઓ આવે છે કે જાય છે, તે આપણને વધુ ને વધુ મજબૂત બનાવે છે.

પરમ પૂજ્ય દાદાશ્રી સૌને વરંવાર સમજાવતા કે, “આપઘાત કરવાનું મન થાય ત્યારે, મને યાદ કરજે ને મારી પાસે આવજે. એવા માણસ હોય ને, જોખમવાળા માણસ, એમને કહી રાખું. તે મારી પાસે આવે, તેને સમજ પાડી દઉં. તે પછી બીજે દહાડે આપઘાત કરતો બંધ થઈ જાય.”

જો કોઈ વ્યક્તિ આત્મહત્યા કરવા માંગે છે અને જ્યારે તે પૂજ્ય દીપકભાઈ પાસે આવે છે, ત્યારે પૂજ્ય દીપકભાઈ તેમને આત્મહત્યાના કારણો અને આત્મહત્યા કર્યા પછી તેના શું ગંભીર પરિણામો આવે છે, તે સમજાવે છે. આ આધ્યાત્મિક સ્પષ્ટીકરણથી તેમના આત્મહત્યા કરવાના વિચારોમાં બદલાવ આવશે અને તે બંધ થઈ જશે.

તો રાહ ન જુઓ! આવીને પૂજ્ય દીપકભાઈને મળો અને આત્મહત્યા નિવારણનું માર્ગદર્શન મેળવીને તમારા પોતાનું અથવા બીજા કોઈ વ્યક્તિનું જીવન બચાવો.

आत्महत्या

किसी व्यक्ति को आत्महत्या कभी नहीं करनी चाहिए| बल्कि, उस व्यक्ति को ज्ञानी पुरुष से आशीर्वाद लेकर एक नए और सही मार्ग पर जीवन जीना चाहिए|

Spiritual Quotes

સહજ વિચાર બંધ થઈ જાય ત્યારે આ બધા ઊંધા વિચાર આવે. વિકલ્પ બંધ થાય એટલે જે સહજ વિચાર આવતા હોય તે પણ બંધ થઈ જાય, અંધારું ઘોર થઈ જાય, પછી કશું દેખાતું નથી!
હા, અહીં ગમે એટલું દુઃખ હોય તો તે સહન કરજો પણ ગોળી ના મારશો, આપઘાત ના કરશો.
આત્મહત્યાનું રૂટ તો એવું હોય છે કે એણે કોઈ અવતારમાં આત્મહત્યા કરી હોયને તો એના પડઘા સાત અવતાર સુધી રહ્યા કરે.
ઉદ્વેગ એટલે વેગ ઊંચે ચઢ્યો, અહીં મગજમાં ચઢી જાય અને પછી પડતું નાખે.
આ કાળના સંજોગોને લીધે વિચારો બહુ વધી ગયા છે. ગમતા વિચારોમાં તન્મયાકાર રહે, તેનાથી 'એલિવેશન' આવે. જે અત્યંત નુકસાનકર્તા છે. ના ગમતા વિચારોમાં 'ડીપ્રેશન' આવે.
‘ડીપ્રેશન’ આવે જ નહીં, એનું નામ જ્ઞાનની પૂર્ણાહૂતિ.