More

શિવ કોણ છે?

શાસ્ત્રો પ્રમાણે, શિવ ભગવાન હિમાલયમાં વસતા દેવ હતા. પાર્વતી એમના પત્ની હતા અને ગણેશ અને કાર્તિક તેમના પુત્રો હતા. આ ભૌતિક લાક્ષણિકતાઓ છે પરંતુ ખરી રીતે કોઈપણ વ્યક્તિ જે આત્મજ્ઞાન પ્રાપ્ત કરે છે તેને 'શિવ'ની આંતરિક દશા પ્રાપ્ત થાય છે.

તેઓ 'નીલકંઠ' તરીકે પણ શા માટે ઓળખાય છે?

'નીલકંઠ' શબ્દનો સાર એટલે, જેણે જગત તરફથી મળેલું ઝેર (નિંદા અને અપમાન) સમતાથી પી લીધું અને છતાંપણ સામાને આશીર્વાદ આપ્યા, તેથી તેઓ શિવ બન્યા.

ભગવાન શિવ

શિવ અને શંકર ભગવાન એક છે? શિવ સ્વરૂપ કેવી રીતે થવાય ? શિવ ભગવાનનું સાચું સ્વરૂપ શું છે તે જાણો આ વીડિયો દ્વારા.

ઓમ નમઃ શિવાય થી શિવોહં શિવોહં અંતિમ સંક્રમણ....

અજ્ઞાન અવસ્થામાં (જીવ દશામાં) પોતાને શિવથી જુદો માની ઓમ નમઃ શિવાય (શિવને નમસ્કાર કરું છું) બોલે છે, પરંતુ આત્મસાક્ષાત્કાર પામ્યા પછી દેહથી જુદા આત્માની સતત જાગૃતિમાં આવે છે અને પછી શિવોહં શિવોહં (હું જ  શિવ છું, હું જ શિવ છું)નો અનુભવ કરે છે. હું શરીર નહિ પણ આત્મા છું. તેથી મારા ખરા 'હું' અને શિવ વચ્ચે કોઈ ભેદ રહતો નથી.

પરમ પૂજ્ય દાદાશ્રીએ આત્મસાક્ષાત્કાર (આત્માનો અનુભવ) જૂન ૧૯૫૮માં પ્રાપ્ત કર્યો. તેઓ ફક્ત બે કલાકમાં એ જ આત્મસાક્ષાત્કાર બીજાને કરાવતા હતા. પૂજ્ય ડૉ.નીરુમાએ ૧૯૬૮માં પૂજ્ય દાદાશ્રી પાસેથી આત્મસાક્ષાત્કાર પ્રાપ્ત કર્યો.

તમે પણ પૂજ્ય દીપકભાઈ દ્વારા અપાતી જ્ઞાનવિધિમાં બેસી આત્મસાક્ષાત્કારનો અનુભવ કરી શકો છો. ત્યારપછી પાંચ આજ્ઞાનું પાલન તમને અંતિમ મુક્તિ તરફ લઇ જશે.

મંદિરની ડાબી બાજુએ શિવલિંગ છે જે આત્માનું પ્રતિક ધરાવે છે. શિવલિંગની આજુ-બાજુમાં પાર્વતી માતા, ગણેશજી અને હનુમાનજી બિરાજેલાં છે જે નીચે દર્શાવેલા પેનોરમામાં જોઈ શકાય છે.

×
Share on
Copy