જ્ઞાની પુરુષ વિશે

જ્ઞાની પુરુષ અને ગુરુમાં ફેર! 

પરમ પૂજય દાદાશ્રી વારંવાર કહેતા કે "જ્ઞાની પુરુષ અને ગુરુમાં તો બહુ ફેર! ગુરુ એટલે જેમને હજુ આત્મા પ્રાપ્ત થયેલો ના હોય, પણ પુણ્યકર્મમાં અટવાયેલા હોય અને મુકિતનાં માર્ગ પર હોય. હમેંશા ગુરુ સંસારને રૂપાળો કરવા માટે જ કરવામાં આવે છે પણ મુકિત માટેતો, (આત્મજ્ઞાની) જ્ઞાનીપુરુષ સિવાય મુકિત નથી."

જ્ઞાનીપુરુષનાં કેટલાંક ગુણો નીચે દર્શાવેલા છે. આ બધાં જ ગુણો તમને પરમ પૂજ્ય દાદાશ્રી, પૂજય નીરુમા અને પૂજ્ય દીપકભાઇમાં અચૂક જોવાં મળશે. 

• એમનાં વિચાર, વાણી અને વર્તન મનોહર અને કરુણાસભર હોય છે.
• એમનું મુક્ત હાસ્ય, સામાનાં સર્વ દુઃખ એક વાર દર્શન કરતાંની સાથે જ ભુલાડી દે.
• જ્ઞાની પુરુષ સંપૂર્ણ નિર્‍અહંકારી હોય.
• જ્ઞાની પુરુષમાં બુધ્ધિનો છાંટો ના હોય. (બુધ્ધિ - એટલે આત્માનો (જ્ઞાન) પ્રકાશ જે અહંકારના માધ્યમ દ્વારા આવે).

જ્ઞાનીપુરુષ આત્માના ગુણધર્મ જાણે છે ને અનાત્માના યે ગુણધર્મ જાણે છે એટલે બંનેને છુટા પાડી શકે છે.