Related Questions

મેં ભૂલ કરી છે. હવે મારે જીવવું નથી. હું મારી જાતને મારી નાખવા માંગુ છું.

આપણે સૌને ભૂલો કરવી નથી ગમતી, પરંતુ ક્યારેક ભૂલો થઈ જાય છે. આમાંથી કેટલીક ભૂલો નાની હોય છે, પરંતુ કેટલીક ભૂલો જીવન બદલાવી નાખે એવી હોય છે. ખાસ કરીને એવી ભૂલો માટે, એ જાણીને ભય લાગે કે મેં મોટી ભૂલ કરી છે. જે આપણને ખુબ દુઃખી અને શરમજનક ફીલ કરાવે, પોતાને ગુનેગાર ગણીએ અને પોતાના પર ચિડાઈ જઈએ. એટલી હદે કે આપણને લાગે કે, 'મારે હવે જીવવું નથી! હું આત્મહત્યા કરવા માંગુ છું!'

જો આપણને આવા વિચારો આવી રહ્યા હોય, તો સાચી સલાહ એ છે કે આપણે ધ્યાન રાખીએ કે કેવી રીતે આવા વિચારોને રોકી શકીએ. ભલે ગમે તેટલી મોટી ભૂલ કેમ ન હોય, તે આત્મહત્યા કરવાનું કોઈ કારણ નથી. પરિસ્થિતિને સમજવાનો પ્રયત્ન કરીએ અને બધા જ દૃષ્ટિકોણથી જોઈએ. આવી લાગણીઓમાં રહેવાને બદલે, ભૂલ કર્યા પછી યોગ્ય પગલું એ છે કે તેને સુધારવા માટે કંઈક પ્રયત્ન કરીએ.

  • જે પણ ભૂલ થઈ એને સ્વીકારીએ અને તેને સુધારવાનો પ્રયત્ન કરીએ. જો આપણે સુધારી નથી શકતા, તો તેને સ્વીકારી લઈએ અને સુમેળતાથી સમાધાન લાવવાનો શક્ય હોય તેટલો પ્રયત્ન કરીએ.
  • ભૂલ પરથી શીખ મેળવીએ. આપણે શું ખોટું કર્યું એમાં અટવાઈ ન જતાં, તેમાંથી શીખવાનો પ્રયત્ન કરીએ. જો આપણે શીખી ન શકીએ, તો બની શકે એ અનુભવ બીજા સાથે શેર કરીએ, જેથી એવી ભૂલ એ વ્યક્તિ પણ ન કરે.
  • ભૂતકાળને યાદ ન કરીએ અને વિચારવાનું પણ બંધ કરીએ  કે “મેં ભૂલ કરી છે”, વર્તમાનમાં જ રહીએ. ભૂતકાળ યાદ કરીશું તો દુઃખી જ થઈશું. ભવિષ્યમાં શું થશે તે વિચારીશું તો ચિંતા વધશે. પરંતુ વર્તમાનમાં રહીને ઉકેલ લાવવાનો પ્રયત્ન કરીશું તો એક આશા રહેશે. ભવિષ્યમાં “શું થશે” તે વિચારોમાં અટવાઈ ન જઈએ. તેના બદલે, તેને સુધારવામાં ધ્યાન રાખીએ.
  • જો શક્ય હોય તો, આપણે જેને દુ:ખ પહોંચાડ્યું હોય તે વ્યક્તિને જણાવીએ કે આપણને પણ એ બાબતનો ખેદ છે અને તેમને સમજાવવાનો પ્રયત્ન કરીએ કે, ખરેખર આપણો હેતુ એવો ન હતો. જો આપણે સામે ચાલીને માફી ના માંગી શકીએ તો પછી એમની અંદર બેઠેલા ભગવાન પાસે મનમાં ને મનમાં માફી માંગીએ.
  • આપણી ભૂલ સ્વીકારીશું, તો લોકો તરફથી માફી જલ્દી મળી જશે. બની શકે કે, કદાચ તરત માફ કરવા માટે તૈયાર ના થાય. આપણે જે પણ કહ્યું છે અથવા કર્યું છે તે સામી વ્યકિતને સમજવામાં અને સ્વીકારવામાં સમય લાગશે. તેથી ધીરજ ધરીએ અને આપણી અપેક્ષાઓને એ રીતે સંભાળીએ.
  • એટલું સમજી લઈએ કે ભૂલ થઈ શકે છે, પણ મહત્વનું એ છે કે આપણે એ માટે શું પગલાં લઈએ છીએ.
  • બાબતોને વધુ ન ગૂંચવીએ, સરળ રાખીએ.
  • શાંત રહીએ અને સ્પષ્ટ રીતે વિચારીએ.
  • આપણે એવું દૃઢપણે નક્કી કરીએ કે ફરી આવી ભૂલ ક્યારેય નહીં કરીએ.

Related Questions
  1. લોકો આપઘાત કેમ કરે છે?
  2. આપઘાતના વિચારો લાવતા ડિપ્રેશન, માનસિક તણાવ અને ઉદ્વેગમાંથી બહાર કેવી રીતે આવવું?
  3. શું એકલતાના કારણે આત્મહત્યા કરવી એ ઉકેલ છે?
  4. કોઈ મને સમજતું નથી, મને મારા જીવનનો અંત લાવવો છે. હું શું કરું?
  5. શું પ્રિયજનના મૃત્યુ પાછળનો શોક અને એકલતાનો અંત લાવવા માટે આપઘાત ઉકેલ છે?
  6. બ્રેકઅપ પછી આત્મહત્યાની પરિસ્થિતિને કેવી રીતે અટકાવવી?
  7. શું પ્રેમ માટે આપઘાત કરવો જોઈએ?
  8. યુવાનો અને ટીનેજર્સમાં આપઘાતનું પ્રમાણ કેમ વધી રહ્યું છે?
  9. નિષ્ફળતાના કારણે થતી આત્મહત્યાને કેવી રીતે અટકાવી શકાય?
  10. દેવું થવાથી થતી આત્મહત્યા કઈ રીતે અટકાવવી?
  11. આપઘાતના વિચારો આવે ત્યારે શું કરવું? કઈ રીતે આત્મહત્યાના વિચારોને રોકવા?
  12. આત્મહત્યા પછી શું થાય છે?
  13. જ્યારે તમારાથી કોઈને એટલું દુઃખ થઈ જાય કે તે વ્યક્તિને આત્મહત્યા કરવાનું મન થાય ત્યારે શું કરવું?
  14. હું મારા પરિવાર પર બોજ છું, આવા નકામા જીવનનો જીવવાનો અર્થ શું?
  15. આપઘાતનો વિચાર કરતી વ્યક્તિને મદદ કઈ રીતે કરવી?
  16. મેં ભૂલ કરી છે. હવે મારે જીવવું નથી. હું મારી જાતને મારી નાખવા માંગુ છું.
×
Share on