લોકો આત્મહત્યા કેમ કરે છે? આત્મહત્યાના વિચારોનું કારણ શું છે?
દુર્ભાગ્યે, આત્મહત્યાના વિચારો વધુને વધુ સામાન્ય બની ગયા છે. આધુનિક જીવનના સતત દબાણ હેઠળ, કેટલાક વ્યક્તિઓ તેમની નીજી સંજોગોને લઈને સંપૂર્ણ હતાશ થઇ ગયા છે. તેમને લાગે છે કે તેમની પાસે વસ્તુ/પરિસ્થિતિઓને વધુ સારી રીતે બદલવાની શક્તિ નથી. તેથી તેઓ સંપૂર્ણ અંધકાર અને નિરાશામાં ડૂબી જાય છે અને સામે પક્ષે મુક્તિ/સ્વતંત્રતાની આશાઓ જૂજ હોય છે.
તો, આત્મહત્યા કરવા પાછળનું કારણ શું છે?
આવા તીવ્ર હતાશા (ડીપ્રેશન) અને આત્મહત્યા વિચારો માટે નીચે દર્શાવેલ કારણો જવાબદાર છે:
- ભૌતિક સંપત્તિ મેળવવા અને પ્રાપ્ત કરવા માટે સામાજિક અને સાથીદાર દબાણ. આ જીવનના તમામ ક્ષેત્રોમાં જોવા મળે છે - શાળા, ઓફિસ અને ઘર
- નાણાંકીય સમસ્યાઓ
- આપણા સંબંધોમાં કલેશ
- એકલતા
- માનસિક સ્વાસ્થ્યની સ્થિતિ
- લાંબી માંદગી
- ઓફિસ અથવા આપણા આસપાસના વાતાવરણમાં અચાનક થયેલા ફેરફાર
- ‘હું ઉદાસ છું’ એવી સતત રેહતી લાગણીઓ
- કાર્યક્ષેત્રમાં (ઓફિસના કામમાં) ઉત્સાહની ઉણપ
- પોતાની પ્રિય વ્યક્તિ/સ્વજનને ગુમાવવાનો આઘાતજનક અનુભવ
- આપણા સહાધ્યાયી દ્વારા સતત કોઈ નજીવી બાબત પર ચીડવવું
- શાળા, ઓફીસ અથવા ઘરેથી આવતી ધમકી/દબાવ.
- બેરોજગારી
- માનસિક અથવા શારીરિક શોષણ
- ડ્રગ્સ (નશીલા પદાર્થોનું સેવન) અથવા દવાઓના દુરૂપયોગ
- સંબંધ તૂટવો અથવા લગ્નજીવનમાં છૂટાછેડા
ઉપર દર્શાવેલ કારણો, વ્યક્તિની મનની શાંતિ, સ્થિરતા અને સુખને ખલેલ પહોંચાડે છે. આ કારણો છે કે જેથી લોકો તેમના પોતાના જીવનને ધ્યાનમાં લેતા વિચારોને બંધ કરે છે.
આત્મઘાતી વિચારોમાં બુદ્ધિની ભૂમિકા
બુદ્ધિની ભૂમિકા એ છે કે, દરેક પરિસ્થિતિમાં સારા અને ખરાબ વચ્ચેનો તફાવત દર્શાવે. તે તમને અંદરથી સતત ભોગવટો આપીને જશે, જેમ કે, જો એણે કેવું કહ્યું’, 'તેને મારા કરતા વધારે પગાર આપવામાં આવે છે', બધા હંમેશા તેનો જ પક્ષ લે છે', 'મારા દ્રષ્ટિકોણનો વિચાર કરવામાં આવતો નથી', બધા મને હંમેશા અવગણે છે.' આ બધા વિચારો જ તમારા દુ:ખનું મૂળ કારણ છે.
તેથી, જેમ જેમ તમારી બુદ્ધિ વધે છે, તેમ તમારી આંતરિક દુઃખો (ભોગવટો) પણ વધે છે. ઉદાહરણ તરીકે, જો બે વર્ષના છોકરાની માતા મરણ પથારી પર છે, તો તેની અસર બાળકને નહીં થાય અને તે આવા સંજોગોમાં પણ હસતું-રમતું રેહશે. આ જ પરિસ્થિતિ જો, પચીસ વર્ષની પુત્રીની માતા મરણ પથારીયે તો અતિશય માનસિક ભોગવટોમાં હોય. કારણ એ છે કે જેમ જેમ આપણો વિકાસ થાય છે, તેમ સાથે સાથે આપણી બુદ્ધિનો પણ વિકાસ થાય છે અને તેથી આપણે વધુ ભોગવીયે છીએ. તેથી આપણા આંતરિક દુ:ખનો અનુભવ પોતાની બુદ્ધિના પ્રમાણ સીધો પર આધાર રાખે છે. જેટલી બુદ્ધિ વધારે, તેટલું દુ:ખ/ભોગવટો પણ વધુ હોય છે.
આત્મહત્યાના વિચારો આધ્યાત્મિક દ્રષ્ટીએ
આધ્યાત્મિક વિજ્ઞાન, અક્રમ વિજ્ઞાનમાં સમજાવ્યું છે કે, જયારે સહજ (નોર્મલ) વિચારો આવતા બંધ થઇ જાય છે ત્યારે શું થાય છે. જયારે આ વિચારો નેગેટીવ અને હતાશામય વિચારોમાં પરિણમે છે ત્યારે મહીં અંદર એક અંધકારમાં ધકેલી દીધા હોય એવી લાગણી થાય છે. શરૂઆતમાં એવું લાગે કે જાણે એક અંધારી ગુફામાં છીએ. થોડો પ્રકાશ છે એવું લાગે પરંતુ જેમ જેમ તેમાં ઊંડા ઉતરતા જઈએ તેમ વધુ ઘોર અંધકાર ભાસે.
પરંતુ, લોકો આત્મહત્યા કેમ કરે છે?
અક્રમ વિજ્ઞાન સમજાવે છે કે, લોકો પોતાનું જીવન સમાપ્ત કરવા વિશે વિચારતા હોવાનું પ્રાથમિક કારણ એ છે કે તેઓએ તેમના પાછલા જીવનમાં એક આત્મહત્યા કરી હતી. એનાં કર્મોની અસરો સાત ભવ (જન્મ) ટકી રહે છે. જો કે, જેમ જેમ જન્મ વિતતા જાય છે તેમ તેમ આત્મહત્યાના વિચારોની તીવ્રતા ઓછી થાય છે, જ્યારે એક દડો ઊંચાઈથી નીચે ઉતરે ત્યારે તે પ્રત્યેક ઉછાળા પછી તેનું જોર ઓછું થતું જાય છે અને આખરે એક દડો આરામ કરવા માટે આવે છે, આત્મહત્યાના વિચારો પણ સમાપ્ત થાય છે.
subscribe your email for our latest news and events
દાદા ભગવાન ફાઉન્ડેશન, અડાલજ એ આધ્યાત્મિક નોન-પ્રોફિટ ઓર્ગેનાઈઝેશન છે જેનો હેતુ અક્રમ વિજ્ઞાનના આધ્યાત્મિક વિજ્ઞાન દ્વારા આખા જગતમાં સુખ-શાંતિ અને એકતા ફેલાવવાનો છે.
તમારા પ્રશ્નનો અચૂક જવાબ મેળવો
