તૂટેલા હૃદયને જોડવું અને સંબંધ તૂટ્યા પછી આત્મહત્યાને કેવી રીતે અટકાવવું તે શીખો.

હૃદય તૂટી જવું ખૂબ પીડાદાયક બની રહે છે. ત્યારે એવો અનુભવ થાય કે જાણે આપણી દુનિયામાં ધરમૂળથી (ઉલ્ટી) બદલાઈ ગઇ છે અને આઘાતથી માંડીને હતાશા સુધીની આપની જાતને ઘણી ભાવનાઓમાંથી પસાર થતા જોઈ હશે. તમને આશ્ચર્ય થશે કે તમે ક્યારેય દુઃખને દૂર કરી શકશો કે નહીં. છેવટે તમે આત્મહત્યા કરવાના વિચારો સુધી પહોંચી શકો છો.

આવા કપરા સમયગાળા દરમિયાન કેટલાક નકારાત્મક (નેગેટીવ) વિચારોનો અનુભવ થવો તે એકદમ સામાન્ય બાબત છે, જ્યારે સંબંધ તૂટ્યા પછી આપઘાત અંગેના વિચારો તરત જ દૂર કરવા જોઈએ.

suicide prevention

સમજો કે:

સમય એ રોગની અંતિમ દવા છે અને આખરે તમે આગળ વધશો.
સંબંધ પૂરો થયો છે. આ સત્યને સ્વીકારવું શ્રેષ્ઠ છે.
તે તમારો દોષ નથી કે ભૂતપૂર્વ સાથીનો દોષ નથી. તેના બદલે, તેને તમારા કર્મના પરિણામ રૂપે જુઓ. કોઈનો દોષ નથી.

તૂટેલા હૃદયને કેવી રીતે જોડવું? અને વધારે હતાશાની (ડીપ્રેશન) ભાવના સાથે આત્મહત્યાના વિચારોને દૂર કરવા કેવી રીતે વ્યવહાર કરવો તે અહીં દર્શાવેલ છે:

વ્યસ્ત અને સક્રિય રાખો - મગજને નિષ્ક્રિય ન રાખશો, મનને એવી પ્રવૃત્તિઓ સાથે વ્યસ્ત કરો જે તેને પડકારરૂપ બની રહે.
વર્તમાનમાં જીવો અને ભવિષ્યમાં શું થશે તે ના જોશો કારણ કે તે અજ્ઞાત છે અને કુદરતના હાથમાં છે. ભૂતકાળ બની ચૂક્યો છે.
હાલમાં તમારા જીવનમાં તમારા પરિવારના સભ્યો અને નજીકના મિત્રોની કદર કરો, તેમની પાસેથી શક્તિ મેળવો.
અન્ય લોકો સાથે વાત કરો. તમેં કેવું અનુભવો છો તે સમજાવો - વાતચીત કરવાની કળા, એ એક ખૂબ જ શક્તિશાળી સાધન છે.

આ કેટલીક વસ્તુઓ છે જે તમે તમારા જીવનમાં અપનાવી શકો છો અને તમને મદદરૂપ થશે. તમે આંતરિકરૂપે થતા સૂક્ષ્મ ફેરફારો જોવાનું અને એને અનુભવવાનું શરૂ કરશો.

માનવ જીવનનું મહત્વ

મનુષ્યજીવન એ એક કુદરતી ભેટ છે, તેથી તેનો અમૂલ્ય સંગ્રહ કરો, તેને સંસારિક વેદનાઓથી નષ્ટ ન કરો. મજબુત બનો, કેમ કે તમને અનંત અવતાર ભટક્યા પછી મનુષ્યજીવન મળ્યું છે. ફક્ત મનુષ્ય ગતિમાંથી જ જીવન અને મૃત્યુના અસંખ્ય ફેરામાંથી મુક્ત થઇ શકાય એમ છે. સાથે સંસાર તો બધા દુ:ખો અને ભોગવટા સહીત જ હોય છે.

માનવજીવનનો ધ્યેય પોતાના શુદ્ધાત્માને પ્રાપ્ત કરવાનો હોવો જોઈએ જેથી મુક્તિ (મોક્ષ) પ્રાપ્તિ થાય. મોક્ષ એટલે સંસારના તમામ દુ:ખો વચ્ચે આંતરિક શાંતિનો અનુભવ કરીને પોતાના ખરા સ્વરૂપ (આત્મામાં) રહીને બધી જ માનસિક, શારીરિક અને બાહ્ય સમસ્યાઓથી મુક્તિનો અનુભવ કરવો.

આપણને આ શરીર મળ્યું છે, તેનું કારણ જ કર્મ છે. અન્ય ગતિમાં જીવો કર્મોમાંથી છુટે છે પણ તેમને કર્મ બંધાતા નથી પરંતુ ફક્ત મનુષ્ય ગતિમાં જ એવું છે કે, જેમાં કર્મો બંધાય છે અને તેમાંથી મુક્ત પણ થઇ શકાય એમ છે. જયારે તમે કોઈપણ પ્રકારનાં શુભ કે અશુભ કર્મોને ચાર્જ કરવામાંથી મુક્ત થઈ જાવ છો ત્યારે અંતિમ મુક્તિ (મોક્ષ)ની પ્રાપ્તિ શક્ય બને છે.

મોક્ષની પ્રાપ્તિ ફક્ત પૂર્ણ પ્રકાશક જ્ઞાની પુરુષ દ્વારા જ થઈ શકે છે, કેમ કે તેણે પહેલેથી જ શુદ્ધાત્મા પદની પ્રાપ્તિ થઇ છે અને અન્ય લોકોને પણ શુદ્ધાત્માની પ્રાપ્તિ કરાવી રહ્યા છે. જ્ઞાનીપુરુષ એ અધ્યાત્મમાં ઉચ્ચસ્તરીય દશા છે, તેમનો જીવનનો મુખ્ય ધ્યેય (હેતુ) પ્રત્યેક જીવમાત્રને સંસારિક દુઃખોમાંથી મુક્ત કરવાનો છે, કારણકે તેઓ નિરંતર પોતાના સ્વસુખ (શુદ્ધાત્મા)ના આનંદમાં હોય છે. તેથી, જીવન જીવવાનું છોડો નહીં અને સંબંધ તૂટ્યા પછી આત્મહત્યા કરવાનો વિચાર કરો નહીં, તમારી સાથે જે બન્યું છે તે સ્વીકારવું અને શોક (દુઃખ)ની લાગણીઓને દૂર કરવા માટે ઉકેલો શોધવા.

તમારા હૃદયને દુઃખી ના કરે એવા બિનશરતી અને પરિપૂર્ણ પ્રેમની શોધ કરવી.

‘જે એક ક્ષણ વધે અને પછી ઘટી જાય એ પ્રેમ નથી:
જે હૃદયમાં કાયમને માટે રહે છે તે જ સાચો પ્રેમ છે.’

આ પ્રકારનો પ્રેમ ફક્ત જ્ઞાની પાસેથી જ મળી શકે છે, જે ક્યારેય વધતો નથી અથવા ઘટતો નથી – તમારા સારા અથવા ખરાબ વર્તણુંકની સામે પણ તેઓ સદા સ્થિર રહે છે. સમગ્ર વિશ્વમાં ફક્ત એક જ્ઞાનીને જ પ્રત્યેક જીવ માત્ર માટે આ પ્રકારનો પ્રેમ છે - આ પ્રેમ સંપૂર્ણ આત્મા (શુદ્ધાત્મા સ્વરૂપ) છે.

તેનાથી વિપરિત, મનુષ્યમાં જે પ્રેમ છે તે મોહ અને આકર્ષણોથી ભરેલો છે જે તેમના જીવનમાં આવતા વિવિધ સંજોગોને અને વ્યક્તિઓ પર આધાર રાખે છે. જ્યારે તમને કોઈ પ્રેમ કરે છે અને તે ઘડીએ તમને કંઈક નુકસાનકારક કહે છે ત્યારે તમને આ વાતનો તરત ખ્યાલ આવશે.

ઉદાહરણ તરીકે, તમે તમારા પ્રિયજનને ખૂબ લાંબા સમય સુધી જોયા નથી અને તેઓ ઘરે આવ્યા છે, તેમના આગમન પર, તમે બધો સમય એની આસપાસ રહેશો, તમે સાથે જમશો અને એકબીજા સાથે સારો સમય પસાર કરશો. જયારે બેમાંથી કોઈ એક વ્યક્તિ પોતાના જીવનસાથી પર ચીસો પાડે (કલેશ) કરે છે એવા સંજોગોમાં સામી વ્યક્તિને કે જેમની સાથે કલેશ થયો છે, તે પોતે પણ વિચારે કે આ કેવા પ્રકારનો વ્યક્તિ છે? પરિણામે, એકબીજા પ્રત્યેના તેમના પ્રેમનો અંત આવે છે.

તેથી, તમેં તમારી હાલની વિષમ પરિસ્થિતિમાંથી મુક્ત કરવા માટે જ્ઞાનીની શોધ કરો, જે તમને આત્મા અનુભવરૂપી અપ્રતિમ ભેટ આપશે અને તમને તમારા દુ:ખોથી મુક્ત કરાવશે.

તૂટેલા હૃદયને જોડવું અને સંબંધ તૂટ્યા પછી આત્મહત્યાને કેવી રીતે અટકાવવું તે શીખો.

માનવ જીવનનું મહત્વ

તમારા હૃદયને દુઃખી ના કરે એવા બિનશરતી અને પરિપૂર્ણ પ્રેમની શોધ કરવી.

ક્વિક લીંકસ

મીડિયા

અન્ય સાઈટ