જ્યારે કંઇક અઘટિત કે અણબનાવ થાય છે ત્યારે તમે ક્યારેય વિચાર્યું છે, ‘હું મારા દુઃખથી મુક્ત થવા માંગુ છું. મને મારા જીવનનો અંત લાવવો છે?’

આપણા જીવન દરમ્યાન, આપણે સારા અને ખરાબ એવા બે કાળચક્રમાંથી પસાર થઈએ છીએ અને અંતે કેટલાક એવા નિર્ણય પર પહોચીએ છીએ કે જીવન મુશ્કેલીઓથી પીડાતું રહ્યું છે. જ્યારે આપણી સાથે કંઇક સારું બને છે, ત્યારે આપણે ખુશ, આનંદમાં અને સંતુષ્ટ હોઈએ છીએ. તેનાથી વિપરિત, જ્યારે આપણી સાથે કંઇક ખરાબ બને છે ત્યારે આપણે દુ:ખી, હતાશ થઇ જઈએ છીએ; છેવટે એટલી હદ સુધી પહોંચી જઈએ છીએ કે આપણે વિચારીએ કે ‘આ દુઃખમાંથી કાયમી મુક્ત થવા, મને મારું જીવન સમાપ્ત કરવું છે’.

તેમ છતાં, આપણે બધા ઇચ્છીએ છીએ કે “ખરાબ” તબક્કાઓ ઝડપથી પસાર થાય, જયારે આપણી આસપાસ સારા સંજોગો હોય ત્યારે આપણે એની સંપૂર્ણ પ્રશંસા કરતા નથી તેથી, તમે જે મુશ્કેલીભર્યા સમયનો અનુભવ કરી રહ્યાં છો, તો તે યાદ રાખવું મહત્વપૂર્ણ છે કે આ એક તબક્કો છે અને આપણા જીવનને સંચાલિત કરે એવો કાયદો કહે છે કે આ સમયગાળો પણ પસાર થઇ જશે અને તેના પછી સારો સમય પણ આવશે.

શું જીવ સાથે જોખમ લેવું એ જ ખરો ઉત્તર છે?

તમારું જીવન ટુંકાવવાથી, શું ખરાબ સમય દૂર થઇ જાશે? ચોક્કસપણે નહીં, કારણ કે તમારે તમારા આવતા જન્મમાં આના ગંભીર પરિણામો ભોગવવા પડશે. તેથી, જો તમે તમારા વર્તમાન જીવનમાં મુક્શ્કેલી સહન કરો અને આ મુશ્કેલ પરિસ્થિતિને પાર કરી જાણો તો તે શ્રેષ્ઠ છે. અને વિચારો કે જ્યારે તમે સતત પ્રયત્ન કરો અને તેમાંથી પસાર થશો ત્યારે તમે કેટલા મજબૂત બનશો.

“જ્યારે જીવનમાં અણબનાવ થાય છે ત્યારે મારે શું કરવું જોઈએ?”

મદદ માટે પૂછો, મૌન રહી ભોગવટામાં ન રહો – તાત્કાલિક મદદ માંગો!
શારીરિક અને માનસિક રીતે - તમારી સ્વયંની સંભાળ રાખો.
તંદુરસ્ત આહાર જાળવો. આપણે જે ખાઈએ છીએ તેની અસર આપણા વિચારો પર પડે છે.
આશાવાદી રહેવામાં પ્રચંડ શક્તિ રહેલી છે.
તમારી આસપાસ સકારાત્મક (પોઝીટિવ) લોકોને રાખો.
તમારી વર્તમાન પરિસ્થિતિને બદલવા માટે તમે શું કરી શકો તેના પર ધ્યાન કેન્દ્રિત કરો - એક સમયે એક પગલું લો.
પરિસ્થિતિઓ ગમે તેટલી ખરાબ હોય પરંતુ એટલું જાણી રાખો કે પસંદગી તમારી છે કે તમને સુખી રેહવું છે કે દુ:ખી.
તમારી અંદર રહેલી શક્તિ પર શ્રદ્ધા રાખો.
એવું કામ કરો જેનાથી તમે ખુશ રહો.
દ્રશ્યોમાં ફેરફાર કરો – ચાલવા જાઓ, સંબંધીઓ અથવા મિત્રોને મળવા જાવ.
જાણો કે કોઈ કાયમના માટે રેહતું નથી.
એવા લોકોને જુઓ કે જેઓ તમારા જેમની સ્થિતિ તમારા કરતા પણ ખરાબ છે. આનાથી તમને તમારા દુઃખનો સામનો કરવાની શક્તિ આવશે.
જરૂરિયાતમંદોને મદદ કરો. આમ કરવાથી તમને ઘણી શાંતિ મળશે.
ઘરમાં, વ્યવસાયમાં અથવા સમાજીક ટોળામાં બદલાવ લાવો.

સકારાત્મક (પોઝીટિવ) અને નકારાત્મક (નેગેટીવ) શક્તિઓની અસરો.

આ જગતમાં, ફક્ત ‘પોઝીટિવ’ તમને સુખ આપશે; ‘નેગેટીવ’ તમને દુ:ખ સિવાય કંઇ નહીં આપે. આપણે પોઝીટિવમાં રહીને અને દુઃખને સહન કરવા સિવાય કંઇ કરી શકતા નથી. ખરાબ સંજોગો સમયની સાથે પસાર થઇ જાશે. સંજોગો હંમેશા બદલાતા રહે છે અને આપણા જીવનમાં ક્યારેય કશું કાયમનું રહેતું નથી.

તેથી, આપણે ધીરજ રાખીને આપણા વર્તમાન સંજોગોનો સામનો કરવા માટે શક્તિ મળી રહે એમ પ્રાર્થના કરવી જોઈએ. પરંતુ ક્યારેય હાર માનશો નહીં અથવા શરણાગતિ સ્વીકારશો નહિ, કારણ કે આ ખરાબ સમયગાળો પણ ચોક્કસપણે પસાર થશે.

શું જીવ સાથે જોખમ લેવું એ જ ખરો ઉત્તર છે?

“જ્યારે જીવનમાં અણબનાવ થાય છે ત્યારે મારે શું કરવું જોઈએ?”

સકારાત્મક (પોઝીટિવ) અને નકારાત્મક (નેગેટીવ) શક્તિઓની અસરો.

ક્વિક લીંકસ

મીડિયા

અન્ય સાઈટ