ધ્યાન અને યોગનો હેતુ અને ફાયદા

ધ્યાન એ માનસિક, શારીરિક અને આપણા ઈમોશન્સને સંતુલિત રાખવા માટે કરવામાં આવતી એક આધ્યાત્મિક ક્રિયા છે. જ્યારે આપણે કોઈ વસ્તુ ઉપર ધ્યાન કેન્દ્રિત કરીએ છીએ કે મંત્રજાપ કરીએ છીએ અથવા આપણા ગુરુનું ધ્યાન કરીએ છીએ, ત્યારે આપણું મન સ્થિર થાય છે. કારણ કે, આપણે આપણા મનને કોઈ એક જ વસ્તુ ઉપર કેન્દ્રિત કરીએ છીએ. ધ્યાન કરવાના અનેક શારીરિક ફાયદાઓ છે, પણ વૈજ્ઞાનિક રીતે ધ્યાન કરવાનો હેતુ મનને મજબૂત બનાવવાનો છે. ધ્યાન કરવાના પરિણામે આપણને શાંતિ અને આનંદ મળે છે. પરંતું, શું તે મુશ્કેલીના સમયમાં પણ હાજર રહે છે?

જ્યારે આપણે બરફની નજીક બેસીએ છીએ, ત્યારે આપણને ઠંડકનો અનુભવ થાય છે, પણ જો આપણે બરફથી દૂર જતા જઈએ તો શું થાય છે? આપણે પહેલાની જેમ જ ગરમીનો અનુભવ કરીએ છીએ. તેવી જ રીતે, જ્યારે આપણે ધ્યાન કરીએ છીએ, ત્યારે આપણને શાંતિ તો મળે છે, પણ એ ટેમ્પરરી હોય છે, લાંબો સમય સુધી રહેતી નથી. જો કે, રિલેટિવ ધ્યાનથી આપણને કાયમી સુખ પ્રાપ્ત થતું નથી. તો કાયમી શાંતિ અને સુખનો અનુભવ કરવા માટે આપણે શું કરવું જોઈએ?

રિયલ ધ્યાન, જે ફક્ત જ્ઞાની પુરુષ પાસેથી જ પ્રાપ્ત થઈ શકે એમ છે.

ધ્યાન કોને કહેવાય?

જે જ્ઞાન છે એના આધારે ધ્યાન ઉત્પન્ન થઇ જ જાય છે. ધ્યાન માટે ધ્યેય નક્કી કરો. પૂજ્ય દીપકભાઈ ધ્યાન વિશેની વધુ સમજણ આ વીડિયોમાં સમજાવે છે.