શીખો ક્લેશ રહિત જીવન જીવવાનું

આ જીવનનો ધ્યેય શો છે? સહુ કોઈ જીવન તો જીવી જાય છે, પણ ખરું જીવન તેને જીવાયું કહેવાય કે જે જીવન ક્લેશ વિનાનું હોય !

પતિ-પત્ની અતિ અતિ પ્યારો-પ્યારી હોવા છતાં અતિ અતિ ક્લેશ એ બંનેમાં જ જોવા મળે છે. આ ક્લેશમય જીવનનું મુખ્ય કારણ જ અણસમજણ ! ઘરમાં મા-બાપ છોકરાં વચ્ચેની કચકચનો અંત સમજણથી જ આવે.

ક્યાંથી સાસુ-વહુ જોડેનો વ્યવહાર, ધંધામાં શેઠ-નોકર કે વેપારી-વેપારી કે ભાગીદારો સાથેના વ્યવહારને કે બીજા કોઈ પણ સાથે ના વ્યવહારને પણ કલેશરહિત કેમ જીવવો તેની ચાવીઓ મળે?

ચાવીરૂપ જવાબો શોધવા માટે આ વેબ પેઈજ પર આગળ વાંચો.

ક્લેશથી મુક્તિ

લોકો આ કાળમાં આર્થિક, શારીરિક, માનસિક મુશ્કેલીઓ અનુભવે છે. ચિંતા અને ટેન્શનમાં મનુષ્યો જાનવરગતિ બાંધે છે, ખરાબ કે સારો સમય તો આવે છે અને જાય છે પરંતુ ખરાબ સંજોગો વખતે આપણી હિંમત હશે તો એનું સોલ્યુશન આવી જશે. એ માટેની સમજણ માટે ક્લિક કરો.

Spiritual Quotes

બહારની વઢવાડ એકાવતારી હોય અને અંદરની વઢવાડ સો-સો અવતાર. લાખ-લાખ અવતાર સુધી ચાલ્યા કરે !
ખરી રીતે દુનિયા જીતવાની નથી, ઘર જીતવાનું છે.
ક્લેશરહિતનું મન થયું તે 'મોક્ષ'. ક્લેશ સાથેનું મન તે 'સંસાર'.
ક્લેશરહિત જીવન જીવવું એ જ ધર્મ છે.
જ્યાં કંઈ પણ ક્લેશ છે ત્યાં ભગવાને ય નથી ને ધર્મે ય નથી.
પાત્રતા ક્યાં હોય? સંસારમાં ક્યારેય પણ ક્લેશ ના થતો હોય તે પાત્ર કહેવાય.
જ્યાં ક્લેશ છે ત્યાં ભગવાન નથી.
કોઈને દુઃખ થાય એવું વાતાવરણ ઊભું કરીએ એટલે આપણને ક્લેશ ઊભો થઈ જાય.
‘વ્યૂ પોઈન્ટ’ જ મતભેદ ઊભા કરાવનાર છે.
મતભેદ થાય ત્યારે ઝઘડો થાય. મનભેદ થાય ત્યારે 'ડાયવોર્સ' થાય. તનભેદ થાય ત્યારે નનામી નીકળે.
કેવું સ્ટેજ પ્રાપ્ત હોવું જોઈએ ? આપણાં ઘરમાં ક્લેશ ક્યારેય પણ ના થાય, એવી આપણી બુદ્ધિ ઉત્પન્ન થવી જોઈએ. બીજું બધું ચાલે પણ અંતરક્લેશ ના થવો જોઈએ.
સામો માણસ ભૂલ કરીને આવે તેની કિંમત નથી, પણ ક્લેશ થાય તેની બહુ કિંમત છે. ક્લેશ છે ત્યાં ભગવાનનો વાસ નથી.
ક્લેશ કરાવનારું કોણ ? અજ્ઞાન !!!
મોઢું ચઢાવીને ઘરમાં બેસે, તે ક્લેશ કહેવાય.
જેને મનથી કોઈ પણ પ્રકારનો ક્લેશ થતો નથી, તેનો સંસાર આથમી ગયો !
ક્લેશનું કારણ દ્વેષ છે. ભગવાને શું કહ્યું કે દ્વેષ ના રાખશો. ના ગમે તો ઉપેક્ષા કરજો.
આખો સંસાર શાનાથી ઊભો છે ? ક્લેશથી.
એક ફેર ઝઘડો કરવો તે પાંચ હજાર રૂપિયાનું નુકસાન કર્યા બરાબર છે.
મતભેદ એ અથડામણ છે ને અથડામણ એ 'વીકનેસ' (નબળાઈ) છે.