લોકો મારા વિષે ધારણાઓ કરે છે. હું કોઈપણ જગ્યાએ ફીટ નથી. મારું સ્થાન ક્યાં છે?

લોકો જયારે તમારા માટે અભિપ્રાય બાંધે અથવા ધારણા કરે ત્યારે પરિસ્થિતિ મૂંઝવણજનક, તણાવ અને દુઃખદાયક બની જાય છે. તે તમને અસુરક્ષિત અને સંકુચિત બનાવી દે છે. જાણ્યે અજાણ્યે, આપણે બધાએ જીવનના કેટલાક તબક્કે આ અનુભવ કર્યો છે, પરંતુ કેટલાક લોકો માટે, આ પ્રકારના લાગણીની અસર અત્યંત નિરાશાજનક (ડીપ્રેસીંગ) સાબિત થઇ શકે છે.

આપણે શું કરી શકીએ?

જગતના લોકોનો તમારા વિષે શું અભિપ્રાય છે, એ વાતને વધુ ગણકારશો નહિ. આમ કરવાથી તમારું જીવન સરળ બનશે. પાસાંની બીજી સારી બાજુ એ છે કે, તમારે સામના વિનયમાં જરૂરથી રેહવું પણ સામાના મંતવ્યોને પસંદ કરવાની અથવા તો એમના અનુરૂપ વર્તવાની આવશ્યતા નથી. જો તમે પોતાના ઘરે પણ જોશો, તો દરેકનો વ્યક્તિનો દ્રષ્ટિકોણ અલગ હશે. ઉદાહરણ તરીકે, જ્યારે રાત્રિભોજન માટે શું બનાવવુ તે નક્કી કરવાની વાત આવે છે. ત્યારે પરિવારનો દરેક સભ્ય જુદી જુદી વસ્તુઓ પસંદ કરશે અને દરેકની ઈચ્છા પ્રમાણે બનાવવું અશક્ય બની રહે છે, આવી પરિસ્થિતિમાં પરિવારના અમુક સદસ્યો એ થોડી બાંધછોડ કરવી પડે છે.

તેવી જ રીતે જીવનમાં, તમે ક્યારેય પણ પ્રત્યેક વ્યક્તિને ખુશ રાખી શકશો નહીં. તમે જે પણ નિર્ણયો લો છો અથવા જે પણ કંઈ કાર્ય કરશો, તો તમને માપશે અને એના આધારે લોકો મંતવ્યો (પોતાના અભિપ્રાયો) આપશે. પોતાના નિર્યણમાં અડગ રહી દરેકને ખુશ કરવાનો પ્રયાસ કરવાને બદલે, તેમને દુઃખ ન પહોંચે એ માટે સક્રિયપણે પ્રયાસ કરો.

દરેક વ્યક્તિનું પોતાનું મંતવ્ય હોય છે. જે આપણને જે સાચું લાગે છે એ જરૂરી નથી કે સામાને પણ એવું જ લાગે. ઉદાહરણ તરીકે, આપણે એવું માનીયે કે, મોડી રાત્રે ન ખાવું જોઈએ પરંતુ બીજા કોઈની પાસે મોડી રાત્રે ખાવા સિવાય બીજો કોઈ વિકલ્પ નથી કારણ કે તેને લાંબા કલાકો સુધી કામ કરવું પડે છે. આમાં કોઈ સાચું કે ખોટું નથી, ફક્ત દ્રષ્ટિકોણ જુદા છે. અને તેથી જ લોકો આ પ્રકારની પરિસ્થિતિઓને જુદી જુદી રીતે સમજે છે.

ધારણાઓ અને અભિપ્રાય કોણ આપે છે?

સારા અને ખરાબમાં અંતર રાખવાનું કામ બુદ્ધિનું છે. સમ્યક બુદ્ધિ આપણને સારી બાબતો બતાવશે અને વિપરીત બુદ્ધિ આપણને ખરાબ બાબતો બતાવશે. વિપરીત બુદ્ધિથી, આપણે ભારે દુ:ખનો અનુભવ કરીશું, જ્યારે સમ્યક બુદ્ધિથી, આપણે શાંતિનો અનુભવ કરીશું. ચોરની દ્રષ્ટિએ ચોરી કરવી એ ખરાબ વસ્તુ નથી. તેથી, જ્યારે ચોરનો ન્યાય કરવામાં આવે છે, ત્યારે તે દુ:ખ અનુભવે છે, કેમ કે તેની દ્રષ્ટિ (વિચારસરણી) જુદી છે.

આ ઉપરાંત, તમારે અન્યના અભિપ્રાયો અથવા ધારણાઓની અસરથી દૂર રહેવા માટે, પોઝિટિવ(સકારાત્મક) બુદ્ધિ જાળવવી પડશે અને તેમની સાથે એડજસ્ટમેન્ટ લેવું પડશે. જો કે, જો તમારી જે બાબતમાં શ્રધ્ધા હોય અને અન્ય લોકો તમારી વિચારધારા સાથે સહમત નથી, તો તમે જે યોગ્ય લાગે છે તે કરવાનું ચાલુ રાખો, પરંતુ તેના કારણે કોઈને દુઃખ ન થાય એ ધ્યાન રાખવું.

‘હું કોઈપણ જગ્યા એ ફીટ (યોગ્ય) નથી. તો પછી મારું સ્થાન’ કયું?’

આ દુનિયામાં આપણું સ્થાન સ્થાપિત કરવા માટે, આપણે પોતાનું લક્ષ્ય નક્કી કરવું પડશે. ધ્યેય વિનાનું જીવન અસ્પષ્ટ અને મૂંઝવણભર્યું થઇ જશે. આપણી પાસે કોઈ દિશા નહીં હોય અને આપણે લક્ષ્ય વિના આગળ વધીશું.

મનુષ્ય જીવન પ્રાપ્ત કર્યા પછી, આપણે બે વસ્તુ પ્રાપ્ત કરવા માટે પ્રયત્નશીલ રહેવું જોઈએ:

જીવન એવી રીતે જીવવું કે આપણા મન, વચન અને કયાંથી કોઈપણ જીવને દુઃખ ન થાય.
જન્મ અને મરણના ફેરામાંથી મુક્ત થવાનો પ્રયત્ન કરવો. માનવ જીવનનો સાર કર્મ બંધનથી મુક્ત થઇ મોક્ષ પ્રાપ્ત કરવાનો છે. જ્ઞાનવિધિ દ્વારા આત્મજ્ઞાન પ્રાપ્ત કરી કેવળજ્ઞાન પ્રાપ્તિનો ધ્યેય રાખવો જોઈએ.

આ લક્ષ્યને પ્રાપ્ત કરવાથી આપણે ગમે તેવા ખરાબ સંજોગોમાં પણ આત્માનું કાયમી સુખ અનુભવી શકીશું. જગતના પ્રત્યેક જીવમાત્રને આ સુખનો અધિકાર છે, આમાં કોઈ શંકા નથી કે. પડકાર માત્ર એ છે કે લોકો તેમના જીવનકાળ દરમિયાન શેની પસંદગી કરે છે.

"જીવનનાં બે પ્રકારે ધ્યેય નક્કી થાય છે : 'જ્ઞાની પુરુષ' આપણને મળે નહીં તો સંસારમાં એવી રીતે જીવવું કે આપણે કોઈને દુઃખદાયી ના થઈ પડીએ. આપણા થકી કોઈનેય કિંચિતમાત્ર દુઃખ ના થાય એ મોટામાં મોટો ધ્યેય હોવો જોઈએ અને બીજામાં તો પ્રત્યક્ષ 'જ્ઞાની પુરુષ' મળી જાય તો તેમના સત્સંગમાં રહેવું, તેનાથી તો તમારાં દરેક કામ થાય. 'પઝલ' 'સોલ્વ' થઈ જાય બધાં." - દાદા ભગવાન

લોકો મારા વિષે ધારણાઓ કરે છે. હું કોઈપણ જગ્યાએ ફીટ નથી. મારું સ્થાન ક્યાં છે?

આપણે શું કરી શકીએ?

ધારણાઓ અને અભિપ્રાય કોણ આપે છે?

‘હું કોઈપણ જગ્યા એ ફીટ (યોગ્ય) નથી. તો પછી મારું સ્થાન’ કયું?’

ક્વિક લીંકસ

મીડિયા

અન્ય સાઈટ