- સુખનો માર્ગ
- આધ્યાત્મિક-મીડિયા
- જ્ઞાનવિધિ
જ્ઞાનવિધિ શું છે?
જ્યાં સુધી હકીકતમાં 'તમે કોણ છો' એ જાણતા નથી ત્યાં સુધી બધું જ વ્યર્થ છે.વધુ વાંચોઆગામી જ્ઞાનવિધિ કાર્યક્રમ
Satsang and Gnanvidhi in Adalaj, India
21 માર્ચ વિગતો જુઓ
17:30 - 21:00
Gandhinagar,Gujarat,India
- જ્ઞાની પુરુષ
- શેડ્યુલ
- પરિચય
શું ભગવાને આ જગત બનાવ્યું છે?
ખરી હકીકતમાં ગોડ ઈઝ નોટ ક્રીએટર ઓફ ધીસ વર્લ્ડ એટ ઓલ!
જો આપણે કહીએ કે, ભગવાન કર્તા છે, તો પછી ઘણા પ્રશ્નો ઊભા થાય છે, કે જેના કોઈ જવાબ નથી મળતા, જેવા કે:
- ભગવાને આ જગત બનાવ્યું તો, પછી ભગવાનને કોણે બનાવ્યા?
- ભગવાને આ જગત કેવી રીતે બનાવ્યું? શું તેમણે કુંભારની જેમ એક પછી એક વસ્તુ ઘડવા માટે સખત મહેનત કરીને બનાવી હશે ?
- શું ભગવાન પક્ષપાતી છે? તો પછી તેઓ શા માટે આ જગતમાં એક વ્યક્તિ ને ગરીબ અને બીજી વ્યકિતને શ્રીમંત બનાવતા હશે?
- જો ભગવાન અનંત સુખધામ છે તો પછી તેમણે આ જગતને દુઃખ અને ચિંતાથી કેમ ભરી દીધું?
- જ્યારે વરસાદ વરસે છે, તો શું ભગવાન પાણી બનાવવા જાય છે?
ના, આ બધુ નેચરલ એડજસ્ટમેન્ટ છે!
દાખલા તરીકે: જ્યારે બે હાઈડ્રોજન પરમાણું અને એક ઓક્સિજનનો પરમાણું બીજા પૂરાવા સાથે ભેગા થાય છે, ત્યારે તે પાણી બને છે. કોઈએ પણ બેસીને બનાવવું પડતું નથી, તે ઓટોમેટીક, એનીમેળે જ બની જાય છે.
આ જગત માત્ર સાઈન્ટિફિક સરકમસ્ટેન્શિયલ એવીડેન્સ (વૈજ્ઞાનિક સાયોંગીક પૂરાવા) દ્વારા જ ચાલે છે. ઉપરના દાખલામાં, હાઈડ્રોજન, ઑક્સીજન, હવા, ટાઈમ, આકાશ વગેરેને સાઈન્ટિફિક સરકમસ્ટેન્શિયલ એવીડેન્સ (વૈજ્ઞાનિક સાયોંગીક પૂરાવા) કહેવાય છે. કશુંક પણ બને તે અસંખ્યાત પૂરાવાઓ ભેગા થઈને બની જાય છે. તેમના ભેગા થવું કે ના ભેગા થવું તે કુદરતી ક્રિયા છે, કે જે કુદરત ના કાયદા પ્રમાણે ચાલે છે. જ્યારે તેઓ ભેગા થાય છે, ત્યારે જે કાર્ય હાથ પર હોય તે પૂરું થાય છે, અને જો ભેગા ના થાય તો કાર્ય થઈ શકે નહીં..
એ કયા આધારે નક્કી થાય છે?
પોતે જે કર્મો આ જીવનમાં બાંધે છે તે કોઝીઝ છે, કે જેના રીઝલ્ટ આપણે નેક્સ્ટ લાઈફમાં (આવતા ભવમાં) અસરો રૂપે ભોગવવા પડે છે. આવી રીતે આખું જગત કર્મોની ‘ઈફેક્ટ’ (અસરો) ના ફાઉન્ડેશન પર ચાલી રહ્યું છે.
એ કુદરત જ છે જે પ્રત્યેક વસ્તુ અને વ્યક્તિને વ્યવસ્થિત રાખે છે. આ કુદરતી પ્રક્રિયામાં ભગવાને હાથ ઘાલ્યો જ નથી.
કૃષ્ણ ભગવાને કહ્યું છે કે, 'આ જગત ભગવાને બનાવ્યું નથી, પણ સ્વાભાવિક થયું છે !'
તો પછી ભગવાનની ભૂમિકા શું છે?
ભગવાન પ્રત્યેક જીવમાત્રમાં શુદ્ધ ચેતન સ્વરૂપે બિરાજેલા છે અને જે કંઈ પણ બની રહ્યું છે તેના જ્ઞાતા-દ્રષ્ટા પદમાં છે. તેઓ પોતાના નિજ સ્વરૂપમાં એટલે કે, અનંત સુખધામ સ્વરૂપમાં છે, જે સુખ આત્માનું અનંત સુખ છે.
આત્મા એટલે આપણો પોતાનું સ્વરૂપ, સાચું સ્વરૂપ અને એ જ શુદ્ધાત્મા છે.
અજ્ઞાનતાથી આપણે જ આપણો સંસાર દુઃખદાયી બનાવીએ છીએ
અજ્ઞાનતાથી આપણે આપણી જાતને નામ રૂપ કે દેહરૂપ કે પ્રકૃતિ માનીએ છીએ, જો કે, વાસ્તવિકતા એ છે કે આમાનું કોઈપણ આપણું ખરું સ્વરૂપ નથી; તે માત્ર કર્મોની ઈફેક્ટ છે. સારા કર્મોની સારી અસરો થાય છે અને આપણને સારી પ્રકૃતિ, એક સારો દેહ અને તંદુરસ્ત મન પ્રાપ્ત થાય છે. જ્યારે બીજી તરફ, ખરાબ કર્મોની ખરાબ અસર થાય છે.
આ કર્મની અસરોને રોંગ બિલિફથી આપણી પોતાની માની, આપણે કર્મ પર કર્મ બાંધતા રહી છીએ અને આપણે આપણું દુઃખોથી ભરેલું નવો સંસાર ઉભો કરીએ છીએ. કોઝીઝ (કારણો) બંધ નહી થાય, જ્યાં સુધી ‘હું ચંદુલાલ છું*’ (ચંદુભાઈની જગ્યાએ વાચકે પોતાનું નામ સમજવું) એવું આપણી બિલિફમાં કોતરાઈ (સુદ્રઢ થઈ) ગયું છે ત્યાં સુધી. માત્ર જ્યારે જ્ઞાની આપણને જાગૃત કરીને આપણને આપણા ખરા સ્વરૂપનો અનુભવ કરાવે છે, ત્યારે જ કોઝીઝ બંધ થાય છે અને એ સાથે જ નવા સંસારનું સર્જન બંધ થાય છે.
Newsletter signup
subscribe your email for our latest news and events
દાદા ભગવાન ફાઉન્ડેશન એ આધ્યાત્મિક નોન-પ્રોફિટ ઓર્ગેનાઈઝેશન સંસ્થા છે જેનો હેતુ અક્રમ વિજ્ઞાનના આધ્યાત્મિક વિજ્ઞાન દ્વારા આખા જગતમાં સુખ-શાંતિ અને એકતા ફેલાવવાનો છે.
તમારા પ્રશ્નનો અચૂક જવાબ મેળવો
