આત્મહત્યાના વિચારો સામે કેવું વલણ અપનાવવું?
કોઈક સમયે, આપણે બધાએ આત્મહત્યા સંબંધી નકારાત્મક (નેગેટિવ) વિચારોનો અનુભવ કર્યો હશે, જે આપણને પણ વિચારતા કરી દે છે કે, આત્મહત્યાના વિચારો સામે કેવું વલણ અપનાવવું? જ્યારે આપણી સમસ્યાઓ અનિવાર્યપણે સામે આવી ઊભી રહે છે અથવા જ્યારે ખૂબ ખરાબ સમાચાર મળે છે, ત્યારે આ પ્રકારના વિચારો ઉત્પન્ન થાય છે. તેઓ આપણી મનની શાંતિનો સંપૂર્ણપણે નાશ કરે છે.
કોઈ પણ વ્યક્તિ આવા આત્મઘાતી વિચારોની ઈચ્છા રાખતો નથી, પરંતુ આપણે તેમને કેવી રીતે ટાળી શકીએ?
આ મુશ્કેલીના સમયમાં ઘણાં એવા પાંસાઓ છે જે તમને સહાય માટે મદદરૂપ બની શકે છે.
૧. મનને સમજવું
મનને વિચારતા અટકાવવું અશક્ય છે. મનનું કાર્ય સારી અને ખરાબ વસ્તુઓની જાણકારી આપવાનું છે. આ વિચારોનું નિર્માણ પાછલા જન્મમાં તમારા જ દ્વારા થયું હતું. જ્યારે સંજોગો પાકે છે ત્યારે તે પ્રમાણે વિચારો ઉદયમાં આવે છે. આમાંના કેટલાક વિચારો તીવ્ર અને હાનિકારક હોઈ શકે છે કે જે જીવનનો અંત લાવવા સુધી પહોંચી શકે. દરેક વિચારોની તીવ્રતા તમારા પાછલા જન્મ પર આધાર રાખે છે.
ઉદાહરણ તરીકે, જો તમારા જીવનમાં કોઈ એવી વ્યક્તિ છે કે જે તમને ગમતી ન હોય અને પછી જ્યારે પણ તમે એમના વિશે વિચારો છો અથવા તેમને જોતા જ અણગમો ઉત્પન્ન થાય છે. જો કે, એમના માટેના અભિપ્રાયને તમે બદલો છો અને તમારા મનના વિચારો સાથે તમે સહમત થતા નથી. તમારો અંતરભાવ બદલાઈ ગયો હોવાથી, આવતા ભવમાં આ કર્મનું પરિણામ ઓછું સહન કરવું પડશે.
૨. વૈજ્ઞાનિક, આધ્યાત્મિક દૃષ્ટિકોણ અપનાવો
- સમજો કે, તમારા વિચારો પાછલા જન્મના છે, એને તમારી વર્તમાનની સ્થિતિ સાથે કોઈ લેવા દેવા નથી.
- ‘હું તમારી સાથે સંમત નથી, હું મરવા માંગતો નથી’ એમ કહીને તમે તમારા વિચારોનો વિરોધ કરી શકો છો.
- દરરોજ દસ મિનિટ માટે યાદ કરો l-AM-FULL-OF-INFINITE-BLISS. (હું અનંત સુખનું ધામ છું.)
- તમારા નકારાત્મક વિચારોને સકારાત્મક વિચારોથી બદલો.
- તમારા વિચારોમાં તન્મયાકાર ન થાઓ. તેમને જુદા જુઓ.
નીચે દર્શાવ્યા પ્રમાણે ઝડપી સુધારાઓનો પ્રયાસ કરો:
- દિવસમાં પંદર મિનિટ માટે કંઈક અલગ કરો જેમ કે, ફરવા જવાનું, વાંચન અથવા બીજું કંઈક જે તમને આનંદ આપે છે.
- તમારી દિનચર્યામાં ફેરફાર કરો.
- યાદ રાખો કે કોઈ પણ સંજોગો કાયમને માટે રહેતા નથી.
- તમે કેવું અનુભવો છો તેના પર કોઈકને કહો. તમારી લાગણીઓને વ્યક્ત કરવામાં જબરજસ્ત શક્તિ છે. તમારો પરિવાર અને મિત્રો પણ તમને સહાય કરીને ખુશ થશે.
- તમારા વિચારો તમારા આંતરિક સુખ પર કેવી અસર કરે છે તેનું નિરીક્ષણ કરો. તમને તરત જ ખ્યાલ આવશે કે નકારાત્મક વિચારોની અસર તમારા પર પડે છે!
જ્ઞાની આપણને આપણા મનને જાણવા અને જોવાની સલાહ આપે છે, પરંતુ તેની સાથે ક્યારેય એકાકાર થવાનું કહેતા નથી. જેમ તમે કોઈ ફિલ્મ જોઈ રહ્યા હો, ત્યારે તમે સુખ અને દુઃખ એમ બે પ્રકારના દ્રશ્યો જુઓ છો, પરંતુ જ્યારે ફિલ્મ પૂરી થાય છે, ત્યારે તમે તેને ત્યાં જ ભૂલીને જવા દો છો. એ જ રીતે, તમારા મનમાં જે વિચારો આવે છે તે ફિલ્મ જેવા છે. તેમાં તમને જુદાપણાનો અનુભવ ન થવાનું કારણ એ છે કે તમે હજી સુધી ‘હું કોણ છું?’ પ્રશ્નના જવાબની શોધ કરી નથી.
ઘણા લોકોને આત્માનું જ્ઞાન (જ્ઞાનવિધિ)ના પ્રયોગ દ્વારા, પોતાના સાચા આત્માનો અનુભવ થયો છે. કપરા સમયે પણ તેઓ આનંદનો અનુભવ કરે છે, આત્માની અવસ્થામાં રહીને અને વેદનાથી અલગ રહે છે.
subscribe your email for our latest news and events
દાદા ભગવાન ફાઉન્ડેશન, અડાલજ એ આધ્યાત્મિક નોન-પ્રોફિટ ઓર્ગેનાઈઝેશન છે જેનો હેતુ અક્રમ વિજ્ઞાનના આધ્યાત્મિક વિજ્ઞાન દ્વારા આખા જગતમાં સુખ-શાંતિ અને એકતા ફેલાવવાનો છે.
તમારા પ્રશ્નનો અચૂક જવાબ મેળવો
