Related Questions

ભગવાનમાં એકાગ્રતા કેવી રીતે વધારવી?

ઈન્ટરેસ્ટ ત્યાં જ એકાગ્રતા

પ્રશ્નકર્તા: દાદા, મને ભગવાનમાં એકાગ્રતા રહેતી નથી.

દાદાશ્રી: તમે શાક લેવા કે સાડી લેવા જાવ, તેમાં એકાગ્રતા રહે છે કે નહીં?

પ્રશ્નકર્તા: હા, એમાં રહે. મોહ હોય એટલે રહે.

દાદાશ્રી: અને ભગવાન ઉપર ને મોક્ષ ઉપર તમને 'ઇન્ટરેસ્ટ' જ નથી. તેથી તેમાં એકાગ્રતા રહેતી નથી.

અરે, એક બેન બહુ રૂપાળી બમ જેવી હતી અને એનો ધણી એકદમ શામળો હતો. તે બઈને મેં એક દા'ડો ખાનગીમાં પૂછયું, 'આ તારો ધણી શામળો છે, તે તારો ભાવ તેના પર સંપૂર્ણ રહે છે?' ત્યારે તેણે કહ્યું કે, 'મારા ધણી મને બહુ પ્રિય છે.' હવે આવો શામળો ધણી એને પ્રિય છે પણ ભગવાન તમને પ્રિય થઈ પડતો નથી! આય એક અજાયબી છે ને!

પછી આ પૂછે કે, મને મન એકાગ્ર કેમ થતું નથી? શાક લેવા જાય ત્યાં એકાગ્રતા કેવી રીતે થઈ જાય છે? આ તો અનુભવની વાતો છે. આ કંઈ ગપ્પું નથી. આ તો ભગવાનમાં 'ઇન્ટરેસ્ટ' જ નથી. તેથી એકાગ્રતા થતી નથી. આ તો ભગવાન પ્રત્યે આસક્તિ થઈ જાય તો ભગવાનમાં એકાગ્રતા રહે.

જ્યાં સુધી પૈસામાં 'ઇન્ટરેસ્ટ' હોય ત્યાં સુધી પૈસા પૈસા કરે અને ભગવાનમાં 'ઇન્ટરેસ્ટ' પેઠો એટલે પૈસાનો 'ઇન્ટરેસ્ટ' છૂટી જાય. એટલે 'ઇન્ટરેસ્ટ' તમારો ફરવો જોઈએ.

હવે ભગવાનમાં 'ઇન્ટરેસ્ટ' નથી, એમાં તમારો દોષ નથી. જે વસ્તુ જોઈ ના હોય, તેનાં પર 'ઇન્ટરેસ્ટ' કેવી રીતે બેસે? આ સાડીને તો આપણે દેખીએ, તેનાં રંગ-રૂપ દેખીએ એટલે તેના પર 'ઇન્ટરેસ્ટ' બેસે જ. પણ ભગવાન તો દેખાય નહીં ને? ત્યારે એવું કહ્યું કે, ભગવાનના પ્રતિનિધિ એવા જે 'જ્ઞાની પુરુષ' છે, ત્યાં તમારો 'ઇન્ટરેસ્ટ' બેસાડો. ત્યાં તે બેસી જશે અને એમની ઉપર 'ઇન્ટરેસ્ટ' બેઠો, એટલે તે ભગવાનને પહોંચ્યો જાણો.

જ્યાં કષાયો છે ત્યાં 'ઇન્ટરેસ્ટ' બેસે તો તે 'ઇન્ટરેસ્ટ' કષાયિક બેસે છે. એ કષાયિક પ્રતીતિ છે તે પ્રતીતિ તૂટી જાય પાછી, એટલે રાગથી બેસે ને દ્વેષથી છૂટે અને આ ભગવાનના પ્રતિનિધિ ઉપર 'ઇન્ટરેસ્ટ' રાગથી બેસે નહીં. એમની પાસે રાગ કરવા જેવું કશું હોય જ નહીં ને?

Related Questions
  1. ભગવાન શું છે?
  2. ભગવાન કોણ છે?
  3. શું ભગવાનનું અસ્તિત્વ છે? ભગવાન ક્યાં છે?
  4. ભગવાનને કોણે બનાવ્યા? ભગવાન ક્યાંથી આવ્યા હતા ?
  5. શું ભગવાને આ જગત બનાવ્યું છે?
  6. શું બ્રહ્મા, વિષ્ણુ અને મહેશે એકત્રિત થઈને આ વિશ્વની રચના કરી ?
  7. વર્તમાને શું કોઈ જીવંત ભગવાન હાજર છે? તેઓ ક્યાં છે? તેઓ આપણને કેવી રીતે મદદ કરી શકે?
  8. ભગવાનને પ્રાર્થના કેવી રીતે કરવી?
  9. શું મારા ખરાબ કર્મ માટે ભગવાન મને માફ કરશે કે સજા આપશે?
  10. ભગવાન, જ્યારે મને તમારી જરૂર હોય છે ત્યારે તમે કયા હોવ છો? ભગવાન કૃપા કરીને મને મદદ કરો!
  11. ભગવાનનો પ્રેમ કેવી રીતે સંપાદિત કરવો?
  12. ભગવાનમાં એકાગ્રતા કેવી રીતે વધારવી?
  13. શું મૂર્તિપૂજા કે દર્શન જરૂરી છે?
  14. શું ભગવાનના કોઈ ગુણો છે?
  15. ભગવાન પદની પ્રાપ્તિ કેવી રીતે કરવી?
  16. શું ભગવાન બ્રહ્માંડના સ્વામી છે? જીવનમાં બંધંનોથી કેવી રીતે મુક્ત થઈ શકાય? મોક્ષ કેવી રીતે પ્રાપ્ત થાય?
  17. અંબામાતા અને દુર્ગા દેવી કોણ છે?
  18. સરસ્વતી માતા શું સૂચવે છે?
  19. લક્ષ્મીજી ક્યાં રહે છે? એમના કાયદા શું છે?
×
Share on
Copy