તૂટેલા હૃદયને જોડવું અને સંબંધ તૂટ્યા પછી આત્મહત્યાને કેવી રીતે અટકાવવું તે શીખો.
તૂટેલું હૃદય ખૂબ જ પીડાદાયક હોય છે. ત્યારે એવો અનુભવ થાય છે કે જાણે આપણી દુનિયા ધરમૂળથી બદલાઈ ગઈ છે અને આઘાતથી માંડીને હતાશા સુધીની આપણી જાતને ઘણી ભાવનાઓમાંથી પસાર થતા જોઈ હશે. તમને આશ્ચર્ય થશે કે તમે ક્યારેય આ દુઃખને દૂર કરી શકશો કે નહીં. છેવટે તમે આત્મહત્યા કરવાના વિચારો સુધી પહોંચી શકો છો.
આવા કપરા સમયગાળા દરમિયાન કેટલાક નકારાત્મક (નેગેટિવ) વિચારોનો અનુભવ થવો તે એકદમ સામાન્ય બાબત છે, પરંતુ સંબંધ તૂટ્યા પછી આપઘાત અંગેના વિચારો તરત જ દૂર કરવા જોઈએ.
સમજો કે:
- સમય એ રોગની અંતિમ દવા છે અને આખરે તમે આગળ વધશો.
- સંબંધ પૂરો થયો છે. આ સત્યને સ્વીકારવું શ્રેષ્ઠ છે.
- તે તમારો દોષ નથી કે ભૂતપૂર્વ સાથીનો દોષ નથી. તેના બદલે, તેને તમારા કર્મના પરિણામ રૂપે જુઓ. તેમાં કોઈનો દોષ નથી.
તૂટેલા હૃદયને કેવી રીતે જોડવું અને વધારે હતાશાની (ડિપ્રેશન) ભાવના સાથે આત્મહત્યાના વિચારોને દૂર કરવા કેવી રીતે વ્યવહાર કરવો, તે અહીં દર્શાવેલ છે:
- વ્યસ્ત અને સક્રિય રહો - મગજને નિષ્ક્રિય ન રાખશો, મનને એવી પ્રવૃત્તિઓ સાથે વ્યસ્ત કરો જે તેને પડકારરૂપ બની રહે.
- વર્તમાનમાં જીવો અને ભવિષ્યમાં શું થશે તે ના જોશો કારણ કે, તે અજ્ઞાત છે અને કુદરતના હાથમાં છે. ભૂતકાળ તો બની ચૂક્યો છે.
- તમારા પરિવારના સભ્યો અને નજીકના મિત્રોની કદર કરો, જે હાલમાં તમારા જીવનમાં છે, અને તેમની પાસેથી શક્તિ મેળવો.
- અન્ય લોકો સાથે વાત કરો. તમે કેવું અનુભવો છો તે સમજાવો. વાતચીત કરવાની કળા, એ એક ખૂબ જ શક્તિશાળી સાધન છે.
આ કેટલીક બાબતો છે જે તમે તમારા જીવનમાં અપનાવી શકો છો અને જે તમને મદદરૂપ થશે. તમે આંતરિકરૂપે થતા સૂક્ષ્મ ફેરફારો જોવાનું અને એને અનુભવવાનું શરૂ કરશો.
માનવજીવનનું મહત્ત્વ
મનુષ્યજીવન એ એક કુદરતી ભેટ છે, તેથી તેનો અમૂલ્ય સંગ્રહ કરો, તેને સંસારિક વેદનાઓમાં વેડફશો નહીં. મજબૂત બનો, કેમ કે તમને અનંત અવતાર ભટક્યા પછી મનુષ્યજીવન મળ્યું છે. ફક્ત મનુષ્યગતિમાં જ જીવન અને મૃત્યુના અસંખ્ય ફેરામાંથી મુક્ત થઈ શકાય એમ છે. સાથે સંસાર તો બધા દુ:ખો અને ભોગવટા સહિત જ હોય છે.
માનવજીવનનો ધ્યેય પોતાના શુદ્ધાત્માને પ્રાપ્ત કરવાનો હોવો જોઈએ, જેથી મુક્તિ (મોક્ષ) પ્રાપ્તિ થાય. મોક્ષ એટલે સંસારના તમામ દુ:ખો વચ્ચે આંતરિક શાંતિનો અનુભવ કરીને પોતાના ખરા સ્વરૂપ (આત્મા)માં રહીને બધી જ માનસિક, શારીરિક અને બાહ્ય સમસ્યાઓથી મુક્તિનો અનુભવ કરવાનો છે.
આપણને આ શરીર મળ્યું છે, તેનું કારણ જ કર્મ છે. અન્ય ગતિમાં જીવો કર્મોમાંથી છૂટે છે પણ તેમને કર્મ બંધાતા નથી, પરંતુ ફક્ત મનુષ્યગતિમાં જ એવું છે કે, જેમાં કર્મો બંધાય છે અને તેમાંથી મુક્ત પણ થઈ શકાય એમ છે. જ્યારે તમે કોઈ પણ પ્રકારના શુભ કે અશુભ કર્મોને ચાર્જ કરવામાંથી મુક્ત થઈ જાવ છો, ત્યારે અંતિમ મુક્તિ (મોક્ષ)ની પ્રાપ્તિ શક્ય બને છે.
મોક્ષની પ્રાપ્તિ ફક્ત પૂર્ણ પ્રકાશક જ્ઞાની પુરુષ દ્વારા જ થઈ શકે છે, કેમ કે તેમને પહેલેથી જ શુદ્ધાત્મા પદની પ્રાપ્તિ થઈ છે અને અન્ય લોકોને પણ શુદ્ધાત્માની પ્રાપ્તિ કરાવી રહ્યા છે. જ્ઞાની પુરુષ એ અધ્યાત્મમાં ઉચ્ચસ્તરીય દશા છે, તેમનો જીવનનો મુખ્ય ધ્યેય (હેતુ) પ્રત્યેક જીવમાત્રને સંસારિક દુઃખોમાંથી મુક્ત કરવાનો છે, કારણ કે, તેઓ નિરંતર પોતાના સ્વ-સુખ (શુદ્ધાત્મા)ના આનંદમાં હોય છે. તેથી, જીવન જીવવાનું છોડો નહીં અને સંબંધ તૂટ્યા પછી આત્મહત્યા કરવાનો વિચાર કરો નહીં, તમારી સાથે જે બન્યું છે તે સ્વીકારવું અને શોક (દુઃખ)ની લાગણીઓને દૂર કરવા માટે ઉકેલો શોધવા.
તમારા હૃદયને દુઃખી ના કરે એવા બિનશરતી અને પરિપૂર્ણ પ્રેમની શોધ કરવી.
‘જે એક ક્ષણ વધે અને પછી ઘટી જાય એ પ્રેમ નથી:
જે હૃદયમાં કાયમને માટે રહે છે તે જ સાચો પ્રેમ છે.’
આ પ્રકારનો પ્રેમ ફક્ત જ્ઞાની પાસેથી જ મળી શકે છે, જે ક્યારેય વધતો નથી અથવા ઘટતો નથી. તમારા સારા અથવા ખરાબ વર્તણૂકની સામે પણ તેઓ સદા સ્થિર રહે છે. સમગ્ર વિશ્વમાં ફક્ત એક જ્ઞાનીને જ પ્રત્યેક જીવ માત્ર માટે આ પ્રકારનો પ્રેમ હોય છે - આ પ્રેમ સંપૂર્ણ આત્મા (શુદ્ધાત્મા સ્વરૂપ) છે.
તેનાથી વિપરિત, મનુષ્યમાં જે પ્રેમ છે તે મોહ અને આકર્ષણોથી ભરેલો છે, જે તેમના જીવનમાં આવતા વિવિધ સંજોગો અને વ્યક્તિઓ પર આધાર રાખે છે. જ્યારે તમારા પ્રિય વ્યક્તિ તમને કંઈક દુઃખદાયક કહેશે, ત્યારે તમને આ વાતનો તરત જ ખ્યાલ આવશે.
ઉદાહરણ તરીકે, તમે તમારા પ્રિયજનને ખૂબ લાંબા સમય સુધી જોયા જ નથી અને તેઓ ઘરે આવ્યા છે, તેમના આગમન પર, તમે બધો સમય એમની સાથે વિતાવશો, તમે સાથે જમશો અને એકબીજા સાથે સારો સમય પસાર કરશો. જ્યારે બેમાંથી કોઈ એક વ્યક્તિ પોતાના જીવનસાથી પર ચીસો પાડે (ક્લેશ) કરે છે, એવા સંજોગોમાં સામી વ્યક્તિને કે જેમની સાથે ક્લેશ થયો છે, તે પોતે પણ વિચારે કે આ કેવા પ્રકારનો વ્યક્તિ છે? પરિણામે, એકબીજા પ્રત્યેના તેમના પ્રેમનો અંત આવે છે.
તેથી, તમે તમારી હાલની વિષમ પરિસ્થિતિમાંથી મુક્ત થવા માટે જ્ઞાનીની શોધ કરો, જે તમને આત્માના અનુભવરૂપી અપ્રતિમ ભેટ આપશે અને તમને તમારા દુ:ખોથી મુક્ત કરાવશે.
subscribe your email for our latest news and events
દાદા ભગવાન ફાઉન્ડેશન, અડાલજ એ આધ્યાત્મિક નોન-પ્રોફિટ ઓર્ગેનાઈઝેશન છે જેનો હેતુ અક્રમ વિજ્ઞાનના આધ્યાત્મિક વિજ્ઞાન દ્વારા આખા જગતમાં સુખ-શાંતિ અને એકતા ફેલાવવાનો છે.
તમારા પ્રશ્નનો અચૂક જવાબ મેળવો
