નિષ્ફળતાથી સફળતા સુધી – નિષ્ફળતામાંથી કેવી રીતે બહાર આવવું અને આત્મહત્યાને રોકવું તે શીખો.
ચોક્કસ રીતે, પ્રત્યેક વ્યક્તિ જીવનમાં સફળતા અને નિષ્ફળતાના સમયમાંથી પસાર થાય જ છે. કોઈ પણ વ્યક્તિ કાયમી સફળતા જાળવી શકતું નથી. નિષ્ફળતા પણ કાયમ માટે રહેતી નથી. નબળા સંજોગો દરમિયાન, આપણે જીવન પ્રત્યે નકારાત્મક (નેગેટિવ) વલણને સ્વીકારીએ છીએ અને અણગમતી લાગણીઓને અનુભવીએ છીએ, જેમ કે, નફરતની લાગણી, હીનતાની લાગણી અને અન્યને નીચા ગણવા. પરિસ્થિતિ વધુ વણસે ત્યારે, વ્યક્તિને જીવન જીવવાનું વ્યર્થ લાગે છે અને આવી પરિસ્થિતિમાં એ આત્મહત્યા કરવાનું વિચારે છે.
સારી વાત એ છે કે, હતાશાકારક અને નબળા સંજોગોમાંથી બહાર નીકળવાના ઉપાયો અને અસરકારક અભિગમો છે, જે નીચે પ્રમાણે દર્શાવેલ છે:
નિષ્ફળતાને કેવી રીતે દૂર કરવી
- એક દૃષ્ટિકોણથી ઓળખો કે નબળો તબક્કો અથવા નિષ્ફળતા એ સારા માટે છે- પ્રયાસ કર્યા વિના, તમે ક્યારેય સફળ થશો નહીં. જો તમને જીવનમાં નિષ્ફળતા ન મળે, તો તમે સફળતા પણ પચાવી શકશો નહીં. કોઈ પણ વસ્તુનો અતિરેક (પોઝિટિવ કે નેગેટિવ) એ અનિવાર્યપણે સુખ અને ઉદાસીનતા તરફ લઈ જાય છે અને પછી એક વ્યક્તિ તરીકેનો વિકાસ થઈ શકતો નથી.
- અત્યંત મુશ્કેલ સમયમાં પણ સકારાત્મક (પોઝિટિવ) માનસિકતાનો સમાવેશ કરો.
- તમારી ભૂલોથી શીખો અને આગળ વધો.
- જે ખોટું થયું તે બધું વાગોળીને પોતાની જાત પ્રત્યે દિલગીર રહેવાને બદલે, સકારાત્મક પગલું ભરી તેનો ઉકેલ લાવો.
- યાદ રાખો કે કોઈ પણ પરિસ્થિતિ કાયમ રહેશે નહીં - રાત (કપરા સમય) પછી દિવસ (સારો સમય) હંમેશાં અનુસરે છે.
- ભૂતકાળને યાદ કરો. તમને પહેલા પણ આવી જ અથવા તેથી વધુ ખરાબ પરિસ્થિતિઓનો સામનો કરવો પડ્યો છે અને તમે તેમાંથી બહાર પણ નીકળ્યા છો.
- તમે જે વાવો છો તેવા જ તમે બનો છો - જો તમે ‘હું કરી શકું છું, અને હું કરી શકીશ’ એમ વિચારશો, તો થોડા સમય પછી, વસ્તુઓ ધીરે ધીરે બદલાશે અને વિકાસશીલ વળાંક લેશે. તેવી જ રીતે, જો તમે એમ કહેતા રહેશો કે ‘હું નિષ્ફળ છું અથવા સમયનો વ્યર્થ કરું છું’, તો તે તમારા વિચારો અને ચારિત્ર્ય પર અસર કરશે અને તમારી આસપાસના લોકોને પણ અસર કરશે. તે એવું છે કે જ્યારે તમે વાવમાં બોલો છો કે, 'હું નિષ્ક્રિય છું' તો વાવ પડઘો ફેંકશે કે, 'હું નિષ્ક્રિય છું, 'હું નિષ્ક્રિય છું...' તેવી જ રીતે, તમે કહી શકો છો કે, ‘હું તે કરી શકીશ, મારી પાસે ક્ષમતા/કુશળતા છે.’ નકારાત્મક વિચારોના વિરોધમાં આનું સતત પુનરાવર્તન કરો.
- તમારા ધ્યેય પ્રત્યે પ્રમાણિક રહો અને તેના તરફ પૂર્ણ દિલથી કામ કરો.
સફળતા અને નિષ્ફળતાની સાચી સમજણ
જીવનમાં સફળતા અને નિષ્ફળતાને સકારાત્મક (પોઝિટિવ) પાસા તરીકે જુઓ, કારણ કે, સર્વાંગી વિકાસ અને વૃદ્ધિ માટે તેઓ એકસરખો ફાળો આપે છે.
યાદ રાખો કે, જીવનમાં બંને પ્રકારની પરિસ્થિતિઓ આવતી-જતી રહેશે:
- સફળતા આપણને શીખવે છે કે, અથાગ મહેનત અને આશાવાદી વલણ જીવનમાં હકારાત્મક (પોઝિટિવ) પરિણામોને લાવે છે.
- નિષ્ફળતા આપણને શીખવે છે કે, ના ગમતા કપરા સંજોગો, આપણી બધી નબળાઈઓ અને નકારાત્મકતાને સકારાત્મકતામાં પરિવર્તન કરવાની શક્તિ ધરાવે છે.
તેથી, બંને આપણા જીવનમાં વિકાસશીલ રીતે કામ કરે છે.
કોઈ પણ સંજોગોમાં તમારે આત્મહત્યાના વિચાર ના કરવા જોઈએ. તેના બદલે, પરિસ્થિતિને બદલો અને આત્મહત્યા સાથે સંકળાયેલા કોઈ પણ વિચારો સામે વિરોધ કરો. તમારા જીવનના આ પડકારજનક સમય પર જીત મેળવો અને નિષ્ફળતામાંથી સફળતા તરફ આશાવાદી બની, ઉત્સાહપૂર્વક આગળ વધો.
subscribe your email for our latest news and events
દાદા ભગવાન ફાઉન્ડેશન, અડાલજ એ આધ્યાત્મિક નોન-પ્રોફિટ ઓર્ગેનાઈઝેશન છે જેનો હેતુ અક્રમ વિજ્ઞાનના આધ્યાત્મિક વિજ્ઞાન દ્વારા આખા જગતમાં સુખ-શાંતિ અને એકતા ફેલાવવાનો છે.
તમારા પ્રશ્નનો અચૂક જવાબ મેળવો
