જ્યારે તમે કોઈને એ હદ સુધી દુ:ખ પહોંચાડો કે તે વ્યક્તિને આત્મહત્યા કરવાનું મન થાય ત્યારે શું કરવું?

જો તમને એવું લાગે કે, કોઈને આત્મહત્યાના ભાવ ઊભા થવાનું કારણ તમે બન્યા છો, તો તમારે પહેલા તમારા વર્તનથી સામને પડેલા દુષપ્રભાવોને (ખરાબ અસરોને) સમજવા જરૂરી છે. તે વ્યક્તિ સ્વયં-શંકા, એકલતા, ગભરાટ, ચિંતાઓ, ભય અને ડિપ્રેશન વગેરે અનેક પ્રકારની લાગણીઓનો અનુભવી શકે છે.

આવા સમયે પોતાની જાતને પ્રશ્ન પૂછવો જોઈએ કે, ‘જો મારા સાથે આવું થાય તો, શું મને ગમશે? જો હું તેમના જેવી જ સ્થિતિમાં હોત તો મને કેવું લાગશે?’ પોતાને એમની જગ્યાએ રાખીને જુઓ! પછી, તમે તેમની સાથેના વર્તનને સુધારવા માટે શું કરી શકો છો? જો તમે આ વાંચી રહ્યાં છો, તો તમે પહેલેથી જ જાણો છો કે તમે કોઈને દુ:ખ પહોંચાડ્યું છે અને તમારે હવે ચેતીને તેમના સાથેના વર્તનને બદલવાની જરૂર છે.

આગળ શું કરવું:

તમારા ખરાબ વર્તનની તેમના સમક્ષ માફી માંગો અને ફરીથી એવું ક્યારેય નહીં કરવાનું વચન આપો.
તેમની સાથે વાતચીત કરો અને તમારી વચ્ચે જે તણાવ ઊભો થયો છે તેને દૂર કરો.
હવેથી તેમની સાથે સાચા અને પ્રમાણિક બનો.
સમજો કે સંજોગો તરત જ બદલાશે નહીં. સમય લેશે, તેથી ધીરજ રાખો.
તમારા ખરાબ વર્તનને તમારા અને તેના પર પડેલા પ્રભાવોનું વિશ્લેષણ કરો.
એવા કારણો શોધો કે જેના કારણે તમે આવી રીતે વર્તન કરો છો અને તેમને ટાળો.

જ્યારે તમારાથી કોઈને દુઃખ અપાય છે, ત્યારે પ્રતિક્રમણનો વૈજ્ઞાનિક અનુભવ કરી જુઓ.

આ પરિસ્થિતિનું એક આંતરિક અને વૈજ્ઞાનિક સમાધાન છે જેમાં તમે આત્મહત્યા કરવા માંગતા લોકોનું કારણ બન્યા છો. ક્ષમા માંગો.

પ્રતિક્રમણની વૈજ્ઞાનિક પદ્ધતિનો ઉપયોગ કરીને માફી માંગવાથી, સમય જતા તે વ્યક્તિ સાથેના તમારા હિસાબ સમાધાનપૂર્વક પૂરા થઈ જશે. તદુપરાંત, તમે એક પણ શબ્દ કહ્યા વિના, તેમના માટેના કોઈ પણ પ્રકારનું દુ:ખ અપાયું હોય તે માટે માફી માંગી શકો છો.

સામી વ્યક્તિએ હાજર રહેવાની જરૂર નથી. આ પ્રતિક્રમણ તેઓ જ્યાં હશે ત્યાં તેમને પહોંચશે. તેનાથી કોઈ ફરક ના પડે કે તમે ન્યૂ યોર્કમાં છો અને તે ન્યૂઝીલેન્ડમાં છે. સામાને આપેલા દુ:ખને તમે સરળતાથી દૂર કરી શકો છો.

આ ક્રિયામાં, તમે તમારા વિચારો, વાણી અને વર્તન દ્વારા પોતાના આક્રોશથી પાછા ફરશો અને એમના તરફનો આંતરિક ભાવ બદલાઈ જશે. કોઈ પણ જીવમાત્ર સાથે તમે કરેલી ભૂલોને ભાંગવાનું આ એક માત્ર ખૂબ જ શક્તિશાળી સાધન છે. જ્યારે પણ તમે કોઈના પ્રત્યે ક્રોધ, અણગમો, કપટ, લોભ અથવા તિરસ્કારનો અનુભવ કરો છો, ત્યારે ફક્ત પ્રતિક્રમણ કરો તેનાથી તરત જ તમારા ખરાબ વર્તનના દોષના અપરાધક ભાવથી મુક્તતા અને હળવાશ અનુભવશો.

આ ક્રિયાને અસરકારક બનાવવા માટે, તમારે દિવસમાં ૩૦ થી ૬૦ મિનિટ સતત પ્રતિક્રમણ કરવા (ક્ષમા માગવી) જોઈએ. ત્યારે સામી વ્યક્તિ માટે તમારા પોતાનામાં એક બદલાવ આવવાનો શરું થયો હોય એવું લાગશે. એમના પ્રત્યે તમારો તિરસ્કાર અને દ્વેષ ઓછા થતા જશે. સામે પક્ષે તેઓ પણ આ પ્રકારના પરિવર્તનનો અનુભવ કરશે.

પ્રતિક્રમણ કરવા માટેની પ્રક્રિયા ૩ પગથિયા દ્વારા નીચે દર્શાવેલ છે:

તમે જે ભગવાનમાં શ્રદ્ધા રાખો છો તેમને યાદ કરીને અને એમને સાક્ષીએ રાખી:

આલોચના – પોતાના અપરાધ અથવા દુષ્કર્મને દિલથી સ્વીકારવું.
પ્રતિક્રમણ – કોઈ પણ ખોટું કૃત્ય કરવા બદલ પસ્તાવા સાથે માફી.
પ્રત્યાખ્યાન – દુષ્કર્મને ફરી ક્યારેય ના કરવાનો દ્રઢ નિર્ણય.

આ ક્રિયામાં ફક્ત થોડી જ સેકંડનો સમય લાગે છે.

જ્યારે તમે કોઈને એ હદ સુધી દુ:ખ પહોંચાડો કે તે વ્યક્તિને આત્મહત્યા કરવાનું મન થાય ત્યારે શું કરવું?

આગળ શું કરવું:

જ્યારે તમારાથી કોઈને દુઃખ અપાય છે, ત્યારે પ્રતિક્રમણનો વૈજ્ઞાનિક અનુભવ કરી જુઓ.

પ્રતિક્રમણ કરવા માટેની પ્રક્રિયા ૩ પગથિયા દ્વારા નીચે દર્શાવેલ છે:

ક્વિક લીંકસ

મીડિયા

અન્ય સાઈટ