લગ્નજીવનમાં આર્થિક સમસ્યાઓ કેવી રીતે ટાળવી?

જીવનમાં એટલાં જાગૃત રહેવું કે આપણે પોતે અથવા આપણા પાર્ટનર કોઈ આર્થિક મુશ્કેલીમાં ના મુકાઈએ. આપણે પોતાના આવકની મર્યાદામાં રહીને જીવન જીવવું જોઈએ. પોતાનું ઘર કેટલા બજેટમાં જ ચલાવવું એ પહેલેથી જ નક્કી કરવું. જો પૈસાની તકલીફ હોય તો મોંઘી વસ્તુઓ ખરીદવાની ઉતાવળ ના કરવી જોઈએ. પૈસાની સગવડ હોય તો જ ખર્ચા કરવા જોઈએ.

પૈસા હાથવગા રાખવા

બંનેએ સાથે મળીને મહિનાના ઘરખર્ચનું જેટલું બજેટ નક્કી કર્યું હોય એટલા પૈસા જીવનસાથીને સરળતાથી મળી રહે એવી સગવડ આપણે રાખવી જોઈએ. એમને આપણી પાસે પૈસાની માંગણી કરવી પડે એવી પરિસ્થિતિ ઊભી ના થવી જોઈએ.

કરકસરમાં ઉદારતા

પરમ પૂજ્ય દાદા ભગવાન કરકસર કેવી કરવી જોઈએ તેની અનોખી સમજણ આપતા કહે છે:

”ઘરમાં કરકસર કેવી હોવી જોઈએ? બહાર ખરાબ ના દેખાય ને કરકસર હોવી જોઈએ. કરકસર રસોડામાં પેસવી ના જોઈએ, ઉદાર કરકસર હોવી જોઈએ. રસોડામાં કરકસર પેસે તોય મન બગડી જાય કે ચોખા વપરાઈ જશે! કોઈ બહુ લાફો હોય તેને અમે કહીએ કે 'નોબલ' કરકસર કરો.”

નબળી પરિસ્થિતિમાં ધીરજનું મહત્ત્વ

ચાલો જાણીએ કે લગ્નજીવનમાં આર્થિક સમસ્યાઓના નિવારણ માટે પરમ પૂજ્ય દાદાશ્રીનું શું કહેવું છે.

પ્રશ્નકર્તા: જીવનમાં આર્થિક પરિસ્થિતિ નબળી હોય ત્યારે શું કરવું?

દાદાશ્રી: એક વરસ વરસાદ ના પડે તો ખેડૂતો શું કહે છે કે અમારી આર્થિક સ્થિતિ ખલાસ થઈ ગઈ. એવું કહે કે ના કહે? પછી પાછું બીજે વરસે વરસાદ આવે ત્યારે એનું સુધરી જાય, એટલે આર્થિક સ્થિતિ નબળી હોય ત્યારે ધીરજ રાખવી જોઈએ. ખર્ચ ઓછો કરી નાખવો જોઈએ અને ગમે તે રસ્તે મહેનત, પ્રયત્નો વધારે કરવા જોઈએ. એટલે નબળી પરિસ્થિતિ હોય ત્યારે જ આ બધું કરવાનું, બાકી પરિસ્થિતિ સારી હોય ત્યારે તો એની મેળે ગાડું ચાલ્યા કરે.

આ દેહને જરૂર પૂરતો ખોરાક જ આપવાની જરૂર છે, એને બીજું કશું જરૂરી નથી અને નહીં તો પછી આ ત્રિમંત્રો રોજ કલાક કલાક બોલજો ને! આ બોલશો એટલે આર્થિક પરિસ્થિતિ સુધરી જાય. એનો ઉપાય કરવો જોઈએ. ઉપાય કરીએ એટલે સુધરી જાય. તમને આ ઉપાય ગમશે?

અપનાવો જ્ઞાનીની જ્ઞાનકળા:

કોઈક દહાડે વાઈફ કહે, 'પેલી સાડી મને નહીં લઈ આપો? મને પેલી સાડી લઈ આપવી પડશે.' ત્યારે પેલો કહે કે, 'કેટલી કિંમત તેં જોઈ હતી?' ત્યારે કહે, 'બાવીસસો રૂપિયાની છે, વધારે નથી!' તો આ કહે, 'તમે બાવીસસોની જ છે, કહો છો. પણ મારે અત્યારે પૈસા લાવવા કઈ રીતે? અત્યારે અહીં સાંધા તૂટે છે. બસો-ત્રણસોની હોય તો લઈ આપું, પણ તું બાવીસસોની કહું છું.' એ રીસાઈને બેસી રહ્યા. હવે શી દશા થાય તે? મનમાં એમેય થાય કે બળ્યું આથી ના પૈણ્યો હોય તો સારું!

પતિએ શું કરવું જોઈએ? શું એમણે બાવીસસોની રૂપિયાની સાડી લઈ આપવી જોઈએ?

પરમ પૂજ્ય દાદાશ્રી કહે છે, “એવું બનાવી દો આપણે કે સાડી એની મેળે લાવે જ નહીં. જો આપણને મહિનાના આઠસો પાઉન્ડ મળતા હોય, એટલે આપણે સો પાઉન્ડ આપણા ખર્ચી માટે રાખી અને સાતસો એમને આપી દઈએ પછી આપણને કહે, સાડી લઈ આપો? અને ઊલટી આપણે મશ્કરી કરવી, કે પેલી સાડી સરસ છે, કેમ લાવતા નથી? એનો વેત (ગોઠવણ) એણે કરવાનો હોય! આ તો આપણે વેત કરવાનો હોય ત્યારે આપણી પર જોર કરે. આ બધી કળા હું જ્ઞાન થતાં પહેલાં શીખેલો, પછી જ્ઞાની થયો. બધી કળાઓ મારી પાસે આવી ત્યારે મને જ્ઞાન થયું છે. તો બોલો, આ કળા નથી તેથી જ આ દુઃખ છેને! આમાં તમને સમજણ પડીને? ભૂલ તો આપણી જ છે ને, કળા નથી તેની ને? કળા શીખવાની જરૂર છે.”

શું તમે જાણો છો:

પૈસાનો વ્યવહાર પુસ્તક દ્વારા પરમ પૂજ્ય દાદાશ્રીએ એક અદ્ભુત વિજ્ઞાન જગતને અર્પ્યું છે. તે વિશે વધુ જાણવા અહીં વાંચો.

Frequently Asked Questions (FAQs)

Q. લગ્નજીવનને સુખી કેવી રીતે બનાવવું?

A. પરમ પૂજ્ય દાદાશ્રી અને હીરાબાનું લગ્નજીવન એકદમ શાંતિપૂર્ણ, પરસ્પર આદર અને વિનયવાળું હતું. એમના... Read More
Q. લગ્નજીવનમાં સમસ્યા થવા પાછળ શું કારણ છે ?

A. જ્યારે તમારા લગ્ન થાય છે ત્યારે આદર્શ લગ્નજીવન વિશે તમારા મનમાં, “મારું લગ્નજીવન આવું હશે ને... Read More
Q. લગ્નજીવનમાં સમસ્યા કેવી રીતે ઉકેલવી?

A. લોકોને ઘરમાં પોતાના પાર્ટનર સાથે મતભેદ થાય ત્યારે સમાધાન કરતા આવડે નહીં અને ગૂંચાયા કરે. એના... Read More
Q. જીવનસાથી સાથેનો વ્યવહાર ઉકેલવાની ટીપ્સ

A. વ્યવસાયિક ક્ષેત્રમાં લોકો સાથે કેવી રીતે વાતચીત કરવી તેમજ આપણી વ્યવહાર કળાનો કેવી રીતે વિકાસ કરવો એ... Read More
Q. ક્રોધિત પત્ની સાથે કેવી રીતે વ્યવહાર કરવો?

A. લગ્નજીવનમાં, વહેલા કે મોડા, એવી પરિસ્થિતિ ઊભી થતી હોય છે જ્યારે ગુસ્સે થયેલી પત્નીને સંભાળવી પડે.... Read More
Q. કચકચ કરતી પત્ની સાથે કેવી રીતે વર્તવું?

A. કચકચ - એટલે કે સતત ટોકવું - લગ્નજીવનમાં પતિ કે પત્નીની એકબીજા પ્રત્યે આ સામાન્ય ફરિયાદ હોય છે. ખાસ... Read More
Q. છૂટાછેડા થવાના કારણો શું છે?

A. આપણા રોજિંદા જીવનમાં મતભેદો થયા જ કરતા હોય છે. આવા મતભેદોનું મૂળ કારણ વસ્તુઓ અથવા લોકો કેવા છે... Read More
Q. શું મારે છૂટાછેડા લેવા જોઈએ?

A. આજકાલ છૂટાછેડાનું પ્રમાણ ઘણું વધી ગયું છે અને ક્યારેક એવો વિચાર પણ આવી જાય કે, “શું મારે છૂટાછેડા... Read More
Q. શું પતિ-પત્નીના સંબંધમાં એકબીજાની ભૂલો જોવી યોગ્ય છે?

A. એવું કેટલી વાર બન્યું હશે કે તમે પાર્ટનરને એમની ભૂલો બતાડવાનું મન થયું હોય અથવા તમારી સાથે એવું... Read More
Q. જીવનસાથીના પ્રતિક્રમણ શા માટે કરવા જોઈએ?

A. ઘણીવાર વ્યવહારમાં આપણી વાણીથી કે વર્તનથી આપણા જીવનસાથીને દુઃખ અપાઈ જતું હોય છે. ક્યારેક એમના માટે... Read More
Q. શું લગ્ન પહેલાં ડેટિંગ કરવું જોઈએ કે નહીં?

A. લગ્નની ઉંમર થાય ત્યારે લોકોને મનમાં ઘણા પ્રશ્નો અને મૂંઝવણો ઊભી થાય છે કે, “લગ્ન કરી લેવા જોઈએ કે... Read More
Q. જીવનસાથીની પસંદગી કેવી રીતે કરવી?

A. જીવનસાથીની પસંદગી, એ આપણા માટે સૌથી અઘરો નિર્ણય બની રહે છે. લગ્ન કરવાની ઉંમર થાય ત્યારે કેવા... Read More
Q. જ્યારે મારા જીવનસાથી મારી સાથે વિશ્વાસઘાત કરે, ત્યારે ચિંતા અને શંકાથી દૂર કેવી રીતે રહેવું?

A. એ સામાન્ય છે કે, જ્યારે તમારા જીવનસાથી તમને છેતરતા હોય ત્યારે તમને શંકા અને ચિંતા થાય. “મારા... Read More

લગ્નજીવનમાં આર્થિક સમસ્યાઓ કેવી રીતે ટાળવી?

પૈસા હાથવગા રાખવા

કરકસરમાં ઉદારતા

નબળી પરિસ્થિતિમાં ધીરજનું મહત્ત્વ

ક્વિક લીંકસ

મીડિયા

અન્ય સાઈટ