આધ્યાત્મિક સૂત્રો

આત્મા ભ્રમિત થયો ત્યારે સંસાર ઊભો થયો! બુદ્ધિ ભ્રમિત થશે ત્યારે જ્ઞાન પ્રગટ થશે!!!

બુદ્ધિવાળા પાસેથી બુદ્ધિ તું લાવ્યો અને ‘જ્ઞાની’ પાસેથી જ્ઞાન મળે.

બુદ્ધિથી પરમાત્મા સંબંધી વાતો કરવી તે આત્માની નિંદા કર્યા બરાબર છે. આત્મા અવર્ણનીય છે.

આત્મા જડે એવી વસ્તુ નથી. આ શરીરમાં આત્મા શી રીતે જડે? આત્મા એવો છે કે ઘરોની આરપાર જતો રહે. અહીં લાખ ભીંતો હોય એની આરપાર જતો રહે એવો આત્મા છે.

જ્યાં કર્તાભાવ છે ત્યાં પરધર્મ છે. પરધર્મનું ફળ છે સંસાર.

કર્મ કરો છતાં કર્મ ના બંધાય એવું ‘વિજ્ઞાન’ જાણો તો કર્મ ના બંધાય.

જગત જેને કર્મ કહે છે તે કર્મ જ નથી, એ કર્મના પરિણામ છે!

અજ્ઞાનથી થયેલા કર્મ તે ‘જ્ઞાન’થી નાશ થાય. બાકી, બીજી કશી ક્રિયાઓથી ફેરફાર ના થાય.

અહંકારનો અમલ ઊતરે તો આત્માનો અનુભવ થાય.

સાચો પ્રેમ બહાર ખોળે, પણ એ ક્યાંય ના મળે ત્યારે આત્મા પ્રગટ થાય.

વીતરાગો એટલું જ કહેવા માગે છે કે કર્મ નડતા નથી, તારું અજ્ઞાન નડે છે!