"શુદ્ધાત્મા" પર આધ્યાત્મિક સૂત્રો

ઇચ્છાઓ પૂરી ક્યારે થશે ? શુદ્ધાત્મા થાય ત્યારે ! આ ઇચ્છાઓનો સમુદ્ર છે. એક ઇચ્છા પૂરી થાય ત્યારે બીજી શરૂ થાય !

જગતમાં ઉપાદાન બધાં બહુ જાતનાં છે. પણ છેલ્લામાં છેલ્લું ઉપાદાન, મોક્ષનું ઉપાદાન પોતાનું સ્વરૂપ શુદ્ધાત્મા છે !

ભગવાન જીવમાત્રની અંદર બેઠેલા છે, ચેતનરૂપે. એનું ભાન જ નથી. એ ચેતન એ જ પરમેશ્વર છે ! 'શુદ્ધ ચેતન' એટલે શુદ્ધાત્મા, એ જ પરમાત્મા !

અહંકારના કેન્દ્રથી સંસારનાં બધાં જ લક્ષ સુંદર બેસે ! અહંકારના કેન્દ્રથી 'શુદ્ધાત્મા'નું લક્ષ ના બેસે !

વ્યવહાર એટલે જ ઉપલક. વ્યવહારમાં લોકો બોલે છે તે 'ફૂલ સ્ટોપ' કરે છે. પણ ના, વ્યવહારમાં તો 'કોમા' હોય. ત્યાં લોકોએ 'ફૂલ સ્ટોપ' મૂકી દીધું. 'હું ચંદુભાઈ છું' ત્યાં 'કોમા' હોય અને 'હું શુદ્ધાત્મા છું' ત્યાં 'ફૂલ સ્ટોપ' હોય.