"કોઝ" પર આધ્યાત્મિક સૂત્રો

અમે' તો ઓળખી ગયેલા કે કોણ ગોદા મારે છે ? બધું તમારું ને તમારું જ છે ! Nobody is responsible for 'you'. 'You are whole and sole responsible for yourself.

આ જગતમાં બધા 'ડ્યૂટી' તો બજાવે જ છે. પણ 'ડ્યૂટી' બજાવે ને ઉપરથી ડફળાવે, તે જાનવરગતિમાં જાય. ફરજ સમજીને બજાવે તો ફરી મનુષ્યપણું આવે. અને નમ્રતાથી બજાવે તો દેવગતિમાં જાય.

આપણને હરકત કરનારો છે માટે બીજી બાજુ મદદ કરનારો છે એ વાત ચોક્કસ છે. જેમ હરકત કરનારો દેખાતો નથી તેમ મદદ કરનારો પણ દેખાતો નથી. હરકત કરનારો બે-પાંચ વરસથી વધારે ના ટકતો હોય તો મદદ કરનારો પણ એથી વધારે ના ટકે.

તું સીધો રહીશ તો સામાને સીધા થઈને આવ્યે જ છૂટકો છે. કોઈ તમને ગાળ ભાંડે તે તમારી જોખમદારી પર ભાંડે છે ? તો શું ભગવાનની જોખમદારી પર ભાંડે છે ? ના, તે તો પોતાની જ જોખમદારી પર તમને ગાળ ભાંડી રહ્યો છે. જો તમે સામી ગાળ ભાંડશો તો એ તમારી જોખમદારી થઈ.

તું કાર્યનું બોલીશ નહિ. કાર્યનું સેવન કરીશ નહિ. એ પરિણામ છે. પણ ‘કોઝિઝ’નું - કારણનું સેવન કર. કારણનું સેવન કરવામાં ન આવે ત્યાં સુધી કશું જ વળે નહિ.