લગ્નજીવનના ક્લેશોનું સમાધાન કરીને સુખી લગ્નજીવન જીવવું

શા માટે લોકો લગ્ન કરે છે? તેઓ એવું કરે છે કારણ કે તેઓ જીવન પર્યંતના સાથીની શોધમાં હોય છે, જેના દ્વારા તેઓ તેમના જીવનને પ્રેમ અને સુખથી ભરી શકે છે.

જો કે, સુખી લગ્ન જીવન જીવવા માટે, તમારા જીવન સાથી જેવા છે તેવા તેમને સ્વીકારવા જરૂરી છે. દરેક પાસે જૂદી માન્યતાઓ, વિચારસરણીઓ, અભિપ્રાયો અને દ્રષ્ટિકોણો હોય છે. તેથી તે સ્વાભાવિક છે કે કોઇ પણ બે વ્યક્તિ એક સરખું વિચારી ન શકે. માટે, આપણે કહી શકીએ કે લગ્ન એ બે જૂદી જૂદી માન્યતાઓ અને વિચારસરણીઓનું જોડાણ છે. આ ભિન્ન વિચારસરણીઓને કારણે, જીવનની જૂદી જૂદી બાબતોમાં તેઓ જૂદી રીતે વર્તે છે. આ ભિન્નતા લગ્નજીવનમાં ક્લેશ ઊભો કરે છે, આમ, દુ:ખી લગ્નજીવન પરિણમે છે.

આ ભિન્નતા હોવા છતાં, શું સુખી લગ્ન જીવન જીવવું શક્ય છે ખરૂ? કઈ રીતે તમે લગ્ન જીવનના પ્રશ્નોનું સમાધાન મેળવી શકો અને સંવાદી લગ્ન જીવન બનાવી શકો? શું તમારે તમારા જીવનસાથીની ભૂલો બતાવવી જોઇએ? કે પછી મૌન એ જ ઉપાય છે?

પરમ પૂજ્ય દાદાશ્રીએ આ પ્રશ્નોના જવાબો આપ્યા છે અને કઈ રીતે લગ્ન શાંતિમય બનાવી શકાય તે માટે લગ્ન જીવનમાં ઊભા થતા કોઇપણ જાતના ક્લેશનું સમાધાન થઇ શકે તે માટેની વ્યવહારૂ સલાહો દર્શાવી છે. કઈ રીતે લગ્ન જીવન યોગ્ય બનાવી શકાય તે માટેની તેમની ટિપ્સનો ઉપયોગ કરીએ તો, ક્યારેય પણ પતિ અને પત્ની વચ્ચે લગ્ન જીવનમાં મતભેદ થઇ શકે નહિ.

તેઓએ કેટલીક સફળ લગ્ન જીવન માટેની ટિપ્સ, અને સાદા સમાધાનો આપણી સમક્ષ રજૂ કરેલ છે, જે લગ્ન જીવનમાં થતા મતભેદને અટકાવવામાં મદદ કરે અને તમારા લગ્ન જીવનને કઈ રીતે બચાવી શકાય અને કઈ રીતે છુટાછેડાને થતા અટકાવી શકાય તે શીખવે છે. તેઓએ અક્રમવિજ્ઞાનનો રસ્તો પણ ખુલ્લો કરેલ છે જેનાથી વ્યક્તિ લગ્ન જીવનની સાથોસાથ પણ શાશ્વત આનંદ અને સુખનો અનુભવ કરી શકે છે.

કઈ રીતે સુખી લગ્ન જીવન જીવી શકાય તેના વિગતવાર સમાધાન માટે અને લગ્ન જીવન માટેની ટિપ્સ જાણવા માટે, આગળ વાંચો:

શું સુખી લગ્નજીવન શક્ય છે?

શું સુખી લગ્નજીવન શક્ય છે ? આવો જાણીએ પરિણીતોનું વિવાહિત જીવન પર શું કહેવું છે.

Spiritual Quotes

હું મારા મતને જ કાઢી નાખું તો મતભેદ નહીં પડે.
ધણીપણું અને ધણિયાણી' એ શબ્દોમાં જ એટલી ગાઢ આસક્તિ છે ને 'કમ્પેનિયન' કહે તો આસક્તિ ઓછી થઈ જાય.
જ્યાં બહુ પ્રેમ આવે ત્યાં જ અણગમો થાય એ માનવ સ્વભાવ છે.
તમે કોઈને દુઃખ આપશો તો દુઃખ તમારે માટે આખી જિંદગીનું આવશે, એક જ કલાક દુઃખ આપો તો તેનું ફળ આખી જિંદગી મળશે.
એ ભોગવવાનું છે, ભોગવટો છે આ, પાર્ટનરશીપ છે. વાઈફ જોડે પાર્ટનરશીપ છે, માલિકીપણું નથી.
ધણી તો કેવો હોય? કોઈ દહાડો સ્ત્રીને, છોકરાંને હરકત ન પડવા દે એવો હોય. સ્ત્રી કેવી હોય ? કોઈ દહાડો ધણીને હરકત ના પડવા દે, એના જ વિચારમાં જીવતી હોય.
તમારો ક્લેશ હોયને, તો છોકરાના જીવન પર અસર પડે. કુમળાં છોકરાં, એની પર અસર થાય બધી. એટલે ક્લેશ જવો જોઈએ. ક્લેશ જાય ત્યારે ઘરનાં છોકરાં ય સારા થાય. આ તો છોકરાં બધાં બગડી ગયા છે !
અણહક્કના વિષય જેણે ભોગવ્યા તેને તો ભયંકર યાતનાઓ ભોગવવી પડે.
આ કાળમાં એક પત્નીવ્રતને અમે બ્રહ્મચર્ય કહીએ છીએ અને તીર્થંકર ભગવાનના વખતમાં જે બ્રહ્મચર્યનું ફળ મળતું હતું તે જ ફળ પામશે.
'જ્ઞાની પુરુષ' આ સંસાર જાળમાંથી છૂટવાનો રસ્તો દેખાડે, મોક્ષનો માર્ગ દેખાડે અને રસ્તા ઉપર ચઢાવી દે અને આપણને લાગે કે આપણે આ ઉપાધિમાંથી છૂટ્યા !