ક્રોધ પર નિયંત્રણ : ક્રોધ પર કેવી રીતે કાબુ કરવો?

ક્રોધ એ ભયંકર નિર્બળતા છે.આપણામાંનાં કેટલાંક લોકો એવું માને છે કે, ક્રોધ ના કરે તો મારું ગાડું ચાલે જ નહીં . શા માટે આપણે હંમેશા આપણા આશ્રિતો- પત્ની, બાળકો, નોકરો અને વેઈટર કે મુનીમ પર પણ ક્રોધ કરીએ છીએ? શું તે આપણી નબળાઈ કહેવાય કે જબરાઈ કહેવાય? શું આપણને જરા પણ ખ્યાલ છે કે, જ્યારે તેઓ આપણા ક્રોધની ઝાળનો ભોગ બને છે ત્યારે તેઓ આપણી સામે કેવું વેર બાંધે છે? જ્યારે આપણે રોજિંદા જીવનની મુશ્કેલીઓને સોલ્વ નથી કરી શક્તા ત્યારે શું ક્રોધ ખરેખર કોઝ છે કે એક અનિવાર્ય ઈફેકટ જ છે?

આગળ વાંચો ક્રોધ પર નિયંત્રણ પરનાં પ્રશ્નોત્તરી સત્સંગ, આપ્ત્સુત્રો, તમારી જાતે અજમાવો,દાદાશ્રીનાં દ્રષ્ટાંત,પુસ્તકો અને વિડીયો માટે આગળ વાંચો..

આ ઉપરાંત, તમે ખરેખર કોણ છો તે સમજવા માટે જ્ઞાનવિધિ (આત્મજ્ઞાન પ્રાપ્તિનો પ્રયોગ) માં ભાગ લો, જે ક્રોધથી ખરેખર મુક્ત થવામાં મદદ કરશે.

 

 

ક્રોધ સામે ઉપાય

ક્રોધ એ ભયંકર નિર્બળતા છે. સમજણ અધુરી રહેવાથી ગુસ્સો આવે છે તથા આપણું ધાર્યું કામ ના થાય ત્યારે ગુસ્સો આવે છે. ક્રોધથી આપણને તથા સામી વ્યક્તિને દુઃખ થાય છે. ક્રોધમાંથી છુટવા માટેની સમજણ પૂજ્ય નીરુમા આ વીડિયોમાં કહે છે.

Spiritual Quotes

  1. ક્રોધ એ તો દારૂગોળો છે ને દારૂગોળો હોય ત્યાં લશ્કર લડે જ.
  2. કંઈ સૂઝ ના પડે ત્યારે માણસ ગુસ્સે થઈ જાય. જેને સૂઝ પડી એ ગુસ્સે થાય ? ગુસ્સે થવું એટલે એ ગુસ્સો પહેલું ઈનામ કોને આપે ? જ્યાં સળગ્યું ત્યાં પહેલું પોતાને બાળે. પછી બીજાને બાળે.
  3. ગરમ થઈ જવું એ ભયંકર નિર્બળતા કહેવાય. એટલે જે ગરમ થાય છે તેની તો દયા ખાવી જોઈએ કે આ બિચારાને આમાં કશું ય કંટ્રોલમાં નથી.
  4. મોઢે બોલી નાખે તે એકલો જ ક્રોધ કહેવાય છે એવું નહીં પણ મહીં ધુમાય તે ય ક્રોધ છે.
  5. આ સહન કરવું એ તો ડબલ ક્રોધ છે. સહન કરવું એટલે દબાવ દબાવ કરવું તે, એ તો એક દહાડો 'સ્પ્રીંગ' ઊછળે ત્યારે ખબર પડે.
  6. ભગવાને તો શું કહ્યું છે કે તારો ક્રોધ એવો છે કે તારા સગા મામા જોડે તું ક્રોધ કરું છું તો એનું મન તારાથી જુદું પડી જાય છે, આખી જિંદગી જ જુદું પડી જાય છે.
  7. આ માણસ ઈમોશનલ થાય ને, તો કેટલાય જીવો મહીં મરી જાય છે. ક્રોધ થયો કે કેટલાય નાના નાના જીવો મરીને ખલાસ થઈ જાય અને પોતે પાછો કહે છે, હું તો અહિંસા ધર્મ પાળું છું.
  8. બંધ કરવાનો ઉપાય ખોળવો એ મૂર્ખતા છે, કારણ કે ક્રોધ એ તો પરિણામ છે. જેમ પરીક્ષા તમે આપી હોય ને રિઝલ્ટ આવ્યું. હવે હું રિઝલ્ટને નાશ કરવાનો ઉપાય કરું, એના જેવી વાત થઈ. આ રિઝલ્ટ આવ્યું એ શેનું પરિણામ છે, તેને આપણે ફેરફાર કરવાની જરૂર છે.
  9. આપણું નુકસાન કોઈ કરે કે અપમાન કરે તો તે આપણા જ કર્મનું ફળ છે, સમો નિમિત્ત છે એવી સમજણ ફીટ થયેલી હોય તો જ ક્રોધ જાય.
  10. ક્રોધી કરતાં ક્રોધ ન કરનારાથી લોકો વધારે ભડકે. શું કારણ હશે એવું ? ક્રોધ બંધ થઈ જાય એટલે પ્રતાપ ઉત્પન્ન થાય, કુદરતનો નિયમ છે એવો !
  11. હવે ક્રોધમાં હિંસકભાવ ને તાંતો, એ બે ના હોય તો મોક્ષ થાય.

Related Books

×
Share on
Copy